1 Tamuwen 23:20 - Ala Wone Peenok Peebi Mbanak

²⁰ ninowe wae. Ne ndiyom paga piga noorak, mbake keenok, pigogo wokkiriyak nogo ti, nit ninobaalombok aret me, kat ninowe kendagembogut namunggun aret o.”

1 Tamuwen 23:20 Cross References

2 Tamuwen 3:21

Laago nenok, at Abenet nen Ndawut yoge, “It Iterali inowe kendagembogut logonet, eeke logorak kiniki mbake nogo eeke logonok nduk, it aakumi Iterali abok aret kat nowe kendagembogut kinom wone mbaniyak kuwak eeppiya naakit nduk, yo'niru o.” Yoge mbareegi, “E o. Kiniki ugun aret nak o,” yinuk, yoge mbareegi, iniki ugun aret wagagerak.

Ndawi 112:10

It aap maluk mendek nen at eeke nogo, inigen kogo logomenggaarik, inanini mbakwi, Ineebi nen ineyak nggilik maakwi, Iniki andi eekko'net unggwogwe, Eeko logogun o. “Nit ambi eekkolaawok lak,” mbaremenggaarak kwe, Lek aret age logogin o.

Ndawi 54:3

Aap inambik nen pilak yogo logonet, nookwi, Aap kayuk wuka'lek inogogun worokot nen nenggaawak lek eerogo paniyak nduk eekwi, Eekwi me,

Kini Wuppiige 11:23

It iniki abe koonak nen iniki uugwe mbakwi nogo irip paga obeelom aret ari nage menggerak kwe, Aap maluk mendek iniki lunik wonogwe ti, irip paga inanini eeppiyoorak mban inoba ari wage menggerak.

Kini Wuppiige 24:15

Aap maluk mendek nen aap iniki abe koonak ame ungguurak enaake menggi kwak, At wonage menggim minogo punuk, amindik-amendek kabekko'nok wungge menggi kwak, Eeriyak mage o.

Kini Wuppiige 29:26

Aakumi ambik nen, “Aap ninarum menggerak nogo ninom wone mbanuwok lak, Ao,” mbako menggaarak kwe, At Aliku ALA nen mban eekaatak a'me nggelok eeppiige menggerak o.

Pelaareegerak 18:6

Kit Iterali wonogwe yaga'lelo ambime aap Lewi mendek ambi wonage me, at Aliku ALA nen, O time nak o, yoremenggerak iniki nggaruk togon aret nage logomenggerik,

1 Tamuwen 23:12

Yoge mbareegi, at Ndawut nen Aliku ALA ambinom yoge logonet, “It aakumi Kekila mendek nen an neebe inom, an nawuri inom, Tawun eenggime pugun ilik, lek a?” Yoge mbareegi, ne ambinom Aliku ALA nen wone onggo yoge logonet, “Kineebe eenggime pugun aret o,” yinuk, yoreegerak.

1 Tamuwen 23:21

Yogo mbareegwa, at Tawun nen it yorage logonet, “Kit nabuwa nombakotak me, at Aliku ALA ale'nggen kinoba pinagage logowak o.