1 Tamuwen 22:3 - Ala Wone Peenok Peebi Mbanak

³ Wonage logonet, ne ambi paga at Ndawut nogo ndoome nogome nen o Mowap yaga'lelo Mitapa nage nagagerik, aap Mowap mendek inowe endagembogut yoge logonet, “At Ala nen an eeriyak nombake nogo yo'niruwak nduk, tokkage neegak, an nagalo-nogoba kat kinom logorak piya woroorak nduk, yokkiri wagi o.”

1 Tamuwen 22:3 Cross References

Wakkagagerak 47:11

Ndi, at Yutup nogo Pirawun yoreegerak nogo ndak-ndak ogoba inom, owe-awot inom, o Metit paga ye mbanggolaawak nduk, nggween abu obeelom lombok o Araametet nogome aret piyareegerak.

2 Tamuwen 8:2

Tebenggolage nagagerik, ti'nuk, it Mowap mendek tebenogo piinok, inawuri aap ineegin warak nogo nggween paga mbiginogo wimbiinok, keele ambi waganogo mbiginik alom me nen keele nggorek paga wakkaanuk, ambi wakkage logonet, inooke, ti'nuk, keele nggorek ambit wakkaanuk, ineenik teppiige, eerit irip yubuni nagagerak. Ti eeke mbareegi, it Mowap mendek nogo inagabiti nen Ndawut ayuk wuko logonet, inarum wonage onggo wogogo nogogwaarak.

Wundeegwaarak 20:12

Naliku an kinogoba Ala nen kinanggween wokkiraawam time logonet, li a'nuk kanggo logomunggup nduk, kinagalo-kinogoba inayuk wuko logonet, inoone liirogon konenggo logomunggup o.

1 Timotiyut 5:4

Kumi togwe inaagalogwe-inowowologwe wonogwe iinok perak, it nogo nen Ala wone ndak-ndak eeruwak nduk, inagalomini- inowogolomini it inaa'nduk yeenggwaarogo logowak o. It inagalomini-inowogolomini nen inaagalogwe-inowowologwe ndegengginako nogogwaarak nogo onggo yogondak it togop aret ndegeninako logowak o. Togop eekwi iinok, Ala inikilom mbake menggerak.

Owak Loongga 11:29

Mbo pege mbareegi, at Aliku ALA Aberiniki nogo Yepata oba age mbareegi, o Nggileyat inom, aap Manate inanggween paga inom, tu ti paga nage nagagerik, o Nggileyat kota Mitapa paga nen nugwa aap Amon inanggween paga time nagagerak.

Urut 4:10

owe-awot nen aap Makolon endage kobak ogwe, ndi, o kota inendage mbanak menggaarak nogome at endage mbanak lek age, eerukwak, endage ki logowak nduk, akwe togwe pereegerak kwe Mowap mendek endage Urut nogo, An nakwe me, yinuk, inom aret kolage me, kit abok kineenu a'nip o.”

Urut 4:17

Ndi, it kumi time mendek nen, “Nawomi owooluk aap aret ndakerak o,” yinuk, endage Obet aret tooneegwaarak. At Obet nogo nen apuluk Itayi ndareegerak. Ndi, Itayi nen Ndawut aret ndareegerak.

1 Tamuwen 14:47

At Tawun nogo it Iterali inowe endagembogut a'nuk logonet, Iterali inawim yi o ndi o abok aret tebenogo piyareegerak nogo ti, aap Mowap mendek inom, Amon mendek inom, Erom mendek inom, o Toba mendek inoweewi inendagembogut inom, aap Pilitin mendek inom, abok aret inoorit nage nagagerak. Yi o ndi o inoorit nage logonet, awim tebenogo piinok, at eegin mondok tiyanak aret wonagagerak.

1 Tamuwen 22:2

Ndi, it aakumi wone ambi inoba age kenok, iniki piirik wonogwe nogo mendek inom, inanomat mbanak mendek inom, iniki ale-pale aago mendek inom, it aap togop mendek kero mban, ineebe lambunik empat ratus negen at wonage me kuwak ari nogo nogogwaarak iigak, at Ndawut nogo inowe a'nuk, wonagagerak.

1 Tamuwen 22:4

Yoge nagagerik, wogoren aap endagembogut Mowap mendek owagam piya nanuk, ndo yugum pak wurogo pereegim nogome ari wagagerak wonage kagak, agalo-ogoba aap endagembogut nogo inom aret wonogogwaarak.

1 Tamuwen 3:18

Yoge mbareegi, at Tamuwen nen wone nogo ambit-ambi teppuulik abok aret mbininogo Eli yoreegerak. Yoge mbareegi, at Eli nen, “At Aliku ALA aret me, at eeriyak op kage kenok mban aret eeruwak o,” yinuk, yoreegerak.