1 Tamuwen 22:18 - Ala Wone Peenok Peebi Mbanak

¹⁸ Puk ogo mbareegwa, at Tawun nen Ndowek nogo yoge, “Kalik nen mban aret inoori omok o.” Yoge mbareegi, at Ndowek nogo wage nagagerik, inoorogo piyareegerak. Ne ti eyom paga inoorogo piyareegerak nogo ti, it aap yum agale warak epod yiriko menggaarak nogo ineebe 85 aret.

1 Tamuwen 22:18 Cross References

2 Mbinineegwaarak 24:21

Wone ti yoragagerak paga, “Waruwok o,” yinuk, iniki ambit eeppunuk, aap endagembogut yogo mbareegwa, “Wariyak aret o,” yorage mbareegi, Aliku ALA awi wurik oore'nggam taati aret yugum paga warogo pereegwaarak.

Ndawi 78:64

It aap Ala unde nogo inooruwak nduk mbo piige, Inakuwi togwe piyamenggaarak nogo inale yaga'lek logowak nduk, eeppiige, Eereegerak.

Wundeegwaarak 28:40

Ndi, Karun apuri ti kunduk, iniki yuma yonggolak inayuk warak kogo logowak nen inayum akem agi yiriyak nggorek inom, inagabee'le inom, inayum inanobak paga perenogo piyoorak inom, abok aret penggaarogo piyaawak o.

Kini Wuppiige 24:15

Aap maluk mendek nen aap iniki abe koonak ame ungguurak enaake menggi kwak, At wonage menggim minogo punuk, amindik-amendek kabekko'nok wungge menggi kwak, Eeriyak mage o.

Oteya 5:11

It Eparayim ti, inanobak yugum kwak logonet tu alik we aanom warogo kagak mugurok noorak mbakwi me, Aaninggin inoba kwi'nagagerak mondok tebenak aret wonogo agaarik o.

Oteya 7:3

“It maluk eerit nugwi paga inowe endagembogut ale'nggen mbake, It pilit agan nugwi paga inoweewi nagawan-nagawan inikilom mbakwi, Eeko menggaarak o.

Mika 6:16

Kat nen aap endagembogut Omiri nen wone lengganogo pereegerak nogo mugurok nage, Aap Akap apuri wiganak abok aret nen eerit nogo nogogwaarak nogo, ndak-ndak eerit nage, It eeriyak koonogo pugwi nogo kinom eerit nage, Eeke menggendak me, Keebe pup eerogo pagagwi, Kaagalogwe, Ha! yinuk, inagi'ndok kanggwi, Yi aakumi ndi aakumi abok aret meek eerogo pagagwi, Eeruwak nduk, Eeppiyaagin o,” yinuk, yokkege nogo karuk konengge logot o.

Tepaniya 3:3

At inom eeka aap inendage warak wonogwe nogo ti, Singa at nengge menggerak naakit nduk oone nggwok ari menggi kwak, wonogwe, At aagalogwe inowak loongga ti, nggeewo owo nen nggwiya wappunuk ko'lu noorak mbakulik, o ne ambit weege paga uwiirogo wurako mengga kwak, wonogwe,

1 Tamuwen 2:18

Togop aret eekwi iigak kwe, Tamuwen nogo perak, wulaga awo mbuuluk kagak ayum ligi yawenak amuni mbanak paga penggaarak agale warak epod nogo yippunuk, Ala alut eeko menggam awooliya wurik me ake eeke nagagerak.

1 Tamuwen 2:28

Nigiya wage logonet, it aakumi Iterali inanebunu lombok iigak, at lombok ombo nen neebe unde logonet, ndomba-tapi nake warogo wo'nege, obari abe kaga mendek kani kungge, it aap neebe unde inayum agale warak epod nogo yippunuk, nimbirak wone mbani unggwage, eeke logowak nduk, leenogo mippereegirak. It aakumi Iterali mendek nen ndomba-tapi warogo an nake kani kuniyak mendek nogo kunduk, at ombo wiganak unde eeppiyareegirak kwe,

1 Tamuwen 2:36

Ti eeke neenok, at apuri wiganak ineenik wonogwe nen aap mippigin nogo, owagam wogo logomenggaarik, inendobanggun yindumbunuk, Ai, ninogoba. Nit mbi abu me, wu a, mbi a, kolaawok nduk, aap Ala unde ineyabu ambi eeriyak yo'niret o, yinuk, yori wagak eeko logogun, yegerak o, yinuk, yokkigi o,” yoreegerak.