1 Tamuwen 22:13 - Ala Wone Peenok Peebi Mbanak

¹³ Yoge mbareegi, Tawun nen at yoge, “An tebenogo panubagip nduk, at Itayi aput kimbirak kiniki ambit a'nuk, oroti inom, paloowi inom, wogoge, at ake Ala yoge, eekendak ti paga nimbirak eeke logorak eebi mba'nuk, o yogondak noorikit nduk, enaarak wonage ti, nonggop nduk, eekendak o.”

1 Tamuwen 22:13 Cross References

Ndawi 119:69

It aap iniki wogoppaka nen Inoone pilit noba lenggenogo panit nugwi kwe, Niniki ambit lombok eeppunuk, Eeko logorak koone yugu nogo porogo logonet, Eerit nage agarik o.

Amot 7:10

Kage mbareegi, o Mbeten ogut ogobakkigirik inaluut eeko menggam unde Amatiya nogo nen Iterali inowe endagembogut Yerobeyam nogo, wone wonok yori woraawak nduk, nappiya wagagerak wogo nogogwaarik, at yogo logonet, “At Amot nogo, kat kimbirak ogookkoloorak nduk, aakumi Iterali inom wone koonogo pege me, at nen ari nogo paga aakumi pilak yogo logonet, ineebi nen kat koone mbo puurak nduk eeko agaarik o.

1 Tamuwen 22:12

Tawun nen at Akimelek yoge, “Kat Akitup aput yi wae. Wone yokkege yi, karuk liirogon konenu o.” Yoge mbareegi, at Akimelek nen, “Yo'niru o, nogoba.”

1 Tamuwen 22:8

Alom ti paga kit abok aret kiniki ambit eeppunuk, an tebenogo paniyak nduk, eekwi nogo lek a? An naput Yonatan nen Itayi aput imbirak wone nggaruk togon kumbuk mbanggwi, ndi, yogondak Ndawut enaarak wonage nogo ti, an naput nen, Nogoba warenok nduk, enaarak logot o, yinuk, an lombok nayeloman inikime pege, eekerak nogo, an nabuwa nen yo'niriyak op aret kwe, yo'nega'lek ti, nonggop nduk, ogotik?”