1 Tamuwen 22:12 - Ala Wone Peenok Peebi Mbanak

¹² Tawun nen at Akimelek yoge, “Kat Akitup aput yi wae. Wone yokkege yi, karuk liirogon konenu o.” Yoge mbareegi, at Akimelek nen, “Yo'niru o, nogoba.”

1 Tamuwen 22:12 Cross References

2 Tamuwen 1:7

ena ambokan logurogon na'nari woraanuk, an aret neenok, Omok o, yo'nege mbaki, owagam nage nagarik, Nonggop o, nogoba?

2 Tamuwen 9:6

Wonok wogo mbareegwa, Yonatan aput Mepibotet nogo Ndawut owagam wage nagagerik, abu'me tebe yinuk, ayuk wuke kagak, at Ndawut nen, “Mepibotet wae.” Yoge mbareegi, at Mepibotet nen, “Ai, nogoba. Kayeloman an aret o,” yoreegerak.

Yetaya 65:1

Aliku ALA nen ari logonet, “It aap nen, Ala nonggop menggendak o, yinuk, yo'nugulik nogo, neebe nigiige, It aap an mu'neren noorak mbakulik nogo, ninom lambungge, Ndi, it aakumi nendage kunogo yo'nugulik nogo, Yi an aret o. Yi an aret o, yinuk, yorage, Eereegirak o.

1 Tamuwen 22:11

Yoge mbareegi, aap endagembogut Tawun nogo nen aap Akitup aput Ala unde Akimelek nogo inom, owe-awot o Nop paga Ala unde wonogogwaarak nogo inom, woraawak nduk, wiirage mbareegi, abok aret at owagam wogo mbareegwa,

1 Tamuwen 22:13

Yoge mbareegi, Tawun nen at yoge, “An tebenogo panubagip nduk, at Itayi aput kimbirak kiniki ambit a'nuk, oroti inom, paloowi inom, wogoge, at ake Ala yoge, eekendak ti paga nimbirak eeke logorak eebi mba'nuk, o yogondak noorikit nduk, enaarak wonage ti, nonggop nduk, eekendak o.”

1 Tamuwen 22:7

“Kit aap Mbeniyamin mendek yi, kinaruk koneninip o. Aap Itayi aput ti nen yabu aago inom, anggur awi yarak inom, wokkiraagin mbakop? Kit aap ineegin warak ineebe seribu a, 100 a, inoweewi wim lenggangga logomunggup nduk, kit abok aret mippinagagin mbakop?