1 Tamuwen 21:9 - Ala Wone Peenok Peebi Mbanak

⁹ Yoge mbareegi, at Aliku ALA unde nogo nen Ndawut yoge, “Ti mendek yime wonage lek o. Ata, kat o Ela kobappaga time aap Pilitin mendek Nggoliyat wareegindak obaloowi nogo, yum agale warak epod wonage ambo'me taati yum paga perenogo pigirak ti mban aret wonage me, kat ti aret woorak mbakendak kenok, aret wamen o.” Yoge mbareegi, at Ndawut nen, “Paloowi togop mendek ambi wonage lek me, ti aret wo'niru o,” yoreegerak.

1 Tamuwen 21:9 Cross References

1 Tamuwen 17:2

Ndi, wukkologo mbareegwa, at Tawun inom, awuri Iterali mendek inom, kuwak eeppunuk, o Ela kobappaga time inawooliya wukkologo nogogwaarik, aap Pilitin inom wim namburuwok nduk,

1 Tamuwen 21:8

Ndi, at Ndawut nen Akimelek yoge logonet, “Nogoba o. At ninowe endagembogut nen wone eeriyak yo'negerak nogo koorok panggok ari mbaki, nawooluwak inom, neegin-nomaale inom, li'luk eekko'nok lek we aret wagarak me, an wonok naakit nduk, tege wooluwak ilik, paloowi a, yime ambi wonage ilik, lek a?”

1 Tamuwen 22:10

at Akimelek nogo nen Ndawut ake at Alik ALA yoge nagaarik, mbi kambu inom, aap Pilitin mendek Nggoliyat obaloowi nogo inom, wogoge kagarak o,” yinuk, yoreegerak.

1 Tamuwen 31:10

Ndi, Tawun eegin-ombambile inom wonok it inagugi endage Atitoret awi wurik me time pugwi, ndi, at Tawun eebe nogo o Mbet-Teyan time yagat pak wurik paga paku warogo nabembugwi, eereegwaarak.