1 Tamuwen 21:8 - Ala Wone Peenok Peebi Mbanak

⁸ Ndi, at Ndawut nen Akimelek yoge logonet, “Nogoba o. At ninowe endagembogut nen wone eeriyak yo'negerak nogo koorok panggok ari mbaki, nawooluwak inom, neegin-nomaale inom, li'luk eekko'nok lek we aret wagarak me, an wonok naakit nduk, tege wooluwak ilik, paloowi a, yime ambi wonage ilik, lek a?”

1 Tamuwen 21:8 Cross References

Etet 8:14

Wogorage mbareegi, it aap wone lengganak liiru mbanak wonok nogwe nogo aap endagembogut aguda paga kwi'na'nuk, “Aap endagembogut nen nappinani waga o,” yinuk, mbe agan yi o ndi o tumburiranet nogwe, aap endagembogut awi o nggwok abe wurik o Tutan nogome yorogwe, eereegwaarak.

Lukat 10:4

Nappinagage me, kinawu nggerenak inom, wokkirogwe yonggoliyak yum nogo inom, kiniyogogut nggerenak inom, ti wonok nagup o. Ndi, tu paga nogo logonet, it aakumi iinok, keyage wappiinet nagup mban.

1 Tamuwen 21:7

At Tawun aanggumi ndegeninako menggaarak inowe Tawun awot endage Ndowek awi Erom mendek nogo nen ambi eeriyak nduk, Aliku ALA awooliya wurik me nagagerak ti eyom paga time aret wonagagerak.

1 Tamuwen 21:9

Yoge mbareegi, at Aliku ALA unde nogo nen Ndawut yoge, “Ti mendek yime wonage lek o. Ata, kat o Ela kobappaga time aap Pilitin mendek Nggoliyat wareegindak obaloowi nogo, yum agale warak epod wonage ambo'me taati yum paga perenogo pigirak ti mban aret wonage me, kat ti aret woorak mbakendak kenok, aret wamen o.” Yoge mbareegi, at Ndawut nen, “Paloowi togop mendek ambi wonage lek me, ti aret wo'niru o,” yoreegerak.

1 Tamuwen 22:22

at Ndawut nen Abiyatat yoge logonet, “An kiniya nagarak nogo eyom paga at Erom mendek Ndowek time wonage nenegen kage nagarik, Aap yi nen aret Tawun yorigin, kagi, mbakirak me, kat kagalo-kogoba inom, it inom menggaarak nogo inom, abok aret inookerak ti, aaninggin an noba aret wonage o.

1 Tamuwen 22:9

Yorage mbareegi, aap Erom mendek endage Ndowek nogo, Tawun inom yabu eeko menggaarak inom mi'ndak taati wonage logonet, Tawun yoge, “At Ndawut nogo aap Akitup aput Akimelek ame o Nop nogome wagaarak me,