1 Tamuwen 21:2 - Ala Wone Peenok Peebi Mbanak

^2-3 Yoge mbareegi, at Ndawut nen wone onggo Ala unde Akimelek nogo yoge logonet, “At ninowe endagembogut nogo nen ambi eeke logokit nduk, noba paninuk, yo'nege logonet, Kat unde eeppagagirak nogo eebe eeke logonet, aakumi ineenu eeppiyoorak mage o, yinuk, yo'negerak me, an yokkiriyak meek o. Ata, ninom eeriyak nawuri, O ndime ninom lambunuwok o, yinuk, inaa'nduk nappiigirak me, wogoroorak nduk, kat nano mendek wonage o? oroti 5 ilik, nano mendek ambi wonage kero, wo'niru o.”

1 Tamuwen 21:2 Cross References

Wakkagagerak 27:20

Yoge mbareegi, at Itak nen ari logonet, “Naput wae. Kat nonggoti eerogo mbet-mbet aret warogo la'nuk wagan o?” Yoge mbareegi, at Yakup nen, “At Aliku kogoba Ala nen wo'nege mbaki, mbet-mbet aret wonok wagi o.”

Wakkagagerak 27:24

ambinom kin wakkage logonet, “Kat abet Etawu aret ilik?” yoge mbareegi, at Yakup nen, “Ebi, an aret o.”

1 Endagembogut 13:18

Yoge mbareegi, aap anggok Ala nen yoge kagak yoraga nogo nen wone pilit aret yoge logonet, “An kunduk Ala nen yo'nege kagak yoraga kat pogom aret me, Aliku ALA ayonggo malayikat nappi wagaarak nogo nen an yo'nege logonet, Aap ti, oroti inom, niyo inom, nawak nduk wonok kame kimbirak nak, yo'negerak o.”

Nekemiya 11:32

o Anatot inom, Nop inom, Ananiya inom,

Ndawi 119:29

Abe eerikit nduk negen eerit nage neyo pi'nake, Koone yugu Muta nen liiru mbaneegerak nogo Ndak-ndak eeke logokit nduk yanggorogon mamunnake, Eeke logot o.

Ndawi 141:3

Kaliku ALA wae. An nambe liirogon arum wonage, Nambe irip paga agan nege neyo, unde wake, Eeke logot o.

Yetaya 10:32

Ne yogondak aret ninawim nogo o Nop puk ari wagaarak wonogo logonet, O Tiyon Aagalukwe puut paga kota Yerutalem nogo, “Ko'lu koori wogo o,” yinuk, Ineenggi titik irogo agaarik o.

Kolote 3:9

Nit niniki ngget ogobakkigika Ala nogo nen, at eeke menggerak kineenu arubagip nduk, at iniki pogom kit kiniki ngget ogobakkigirogo pinagage kagak, kit kinobaabut maan mendek paga maluk eeko nogogutak nogo, nggonenogo mbo punuk, kinobaabut ngget mendek eekkologogutak me, kit-kit aret pilit pugunggwi ti mage o.

1 Tamuwen 19:17

Kogo nogogwaarik, Tawun nogo yori wogo mbareegwa, at Tawun nen Mikan yoge, “Kat nen an nawim nogo mbaganuwak nduk, wumbege nagandik, kat nonggop nduk koone pilit kogoba an nambokan laganggendak o?” Yoge mbareegi, at kwe Mikan nogo nen at Tawun yoge, “At Ndawut nen ari logonet, An nen kat kooriyak, nomba'nuk, pippanogo agandik? Naakit nduk, teppanu o, yo'nege mbaki, aret wumbigirak o,” yoreegerak.

1 Tamuwen 22:22

at Ndawut nen Abiyatat yoge logonet, “An kiniya nagarak nogo eyom paga at Erom mendek Ndowek time wonage nenegen kage nagarik, Aap yi nen aret Tawun yorigin, kagi, mbakirak me, kat kagalo-kogoba inom, it inom menggaarak nogo inom, abok aret inookerak ti, aaninggin an noba aret wonage o.

1 Tamuwen 22:9

Yorage mbareegi, aap Erom mendek endage Ndowek nogo, Tawun inom yabu eeko menggaarak inom mi'ndak taati wonage logonet, Tawun yoge, “At Ndawut nogo aap Akitup aput Akimelek ame o Nop nogome wagaarak me,