1 Tamuwen 20:32 - Ala Wone Peenok Peebi Mbanak

³² Yoge mbareegi, at Yonatan nen wone onggo ogoba yoge logonet, “At nonggop nduk wariyak? At maluk nano eekerak?”

1 Tamuwen 20:32 Cross References

Wakkagagerak 31:36

Eeke mbareegi, at Yakup enete aagi wu eeppunuk, Laban mberege logonet, “Nami o. An nano eekirak? An maluk ngge eeppagagirak paga kat mu'neren-ma'neren nege agandik?

Kini Wuppiige 22:24

Aap anini mbet-mbet wungga nen eerit nage nogo kat mamunggolage, Keele pugu paga kenggaanok nggerenggolage, Eerukwak, Aap anini mbet-mbet wungga nogo kore eekkolage, Aap anini wulo kimbirak kunggolage, Eeriyak mage o.

Wone Alom Kibingga 7:9

Anini wundiyak nogo ti, aap iniki lek wi negen inikime menggerak me, kinanini mbet-mbet wunggak yuurak ti mage o.

Wone Alom Kibingga 9:3

Oonegen abu'me yime yi mendek ndi mendek arit nage logonet, irip paga maluk arit nage kagagirak nogo ti, yi aap ndi aap abok aret inoba ariyak ti, ambit aret. Togop tit kwe, it aap ti, inikime maluk yagabit eerak wonage, ndi, ineenik logonet iniki mbanak eeko mengga kwak eeriyak inikilom mbarit nugwi, eeko nagaatik, kambunuk nogogwam inom ari nogo menggaarak.

Yeremiya 17:9

Yi mendek ndi mendek obeelom eerogo puurak ti op aret kwe, Nit niniki ti nen perak, abu maluk lombok logonet, abe eeriyak kagak alik eeriyak yo'nirage menggerak me, Obeelom ariyak, ta nen liippunuk eeriyak mbakop? Meek aret o.

Matiyut 27:23

Yogo mbareegwa, at nen, “At maluk ngge eekerak paga yogop o?” yoragagerak kwe, “Lek o. Eyo karo-karo paga nabenogo puurak aret,” yinuk, abunuk inoone nggwok paga ya-mba yogogwaarak.

Lukat 23:22

Yogo mbareegwa, at Pilatut nen ne mbere yoragagerak me, ambinom yorage logonet, “Nonggop nduk? At maluk ngge eekerak paga yogop o? Maluk eekaatak kenok mban inooko menggaarak kwe, maluk eebe ngge eekerak kenok, Wariyak, yogo ogotik? At maluk eekerak ambi, an koolik me, we iniki koonnaruwak nduk yawi mban warogo teppigin o.”

Yaya 7:51

“Wologwe. Nit eeko logorak wone yugu liiru mbanak nogo eeko logonet, aap ambi eerit nage nagagerak nogo, Togop nduk eekirak o, yinuk, ari ninaruk konembunuk, alom liippega'lek niigak, maluk onggo eeppuurak ti, op mbakop?”

1 Tamuwen 18:11

at Tawun nen, “Ndawut kobat inom polok togon aret warikit o,” mbake nagagerik, awooluwak paga Ndawut wariyak nduk eereegerak mendek, Ndawut ne mbere paga molok togon woppateegerak.

1 Tamuwen 19:4

Yoge nagagerik, Yonatan nogo nen Ndawut ake wone koonogo at ogoba endagembogut Tawun yoge logonet, “Nogoba o. Kat nen kayeloman Ndawut maluk eeppuurak ti mage o. At nen kat maluk ambi eeppagageelik, kake abu obeelom mban eeppagage menggerak nogo lek a?

1 Tamuwen 19:5

At Ndawut nen aap Pilitin mendek Nggoliyat nogo, wake logonet, at iniki mondok nggaruk togon, Nooruwak, mbake nagagerik, wareegerak paga at Aliku ALA nen nit Iterali mendek abok aret nineegin tiyak yuwak nduk, eeppinaneegerak nogo, kat togon kenegen kage nagagindik, kale'nggen mbareegindak kwe, Ndawut maluk eerulik ugun wonage kagak, alom nano eekerak paga wariyak ari agandik?” yinuk, yoreegerak.

1 Tamuwen 20:1

At Ndawut o Arama Nayot time nen mbaganit Yonatan ka nage nagagerik, yoge logonet, “Kat kogoba nen an nenggaawak lek eeppaniyak eeke ti, nano eeppiigirak? An maluk eekirak ngge? Ndi, ngge eekirak paga eeke agaarik?”

1 Tamuwen 20:7

Yoge logomenggendik, at Tawun nen, Op aret o, yokkege kenok, an kayeloman yi, Op aret logogin, nombarumunggun kwe, at nen anini mbet-mbet wungge kenok perak, an maluk eeppaniyak koonggerak nogo abet aret mbarumunggun o.

1 Tamuwen 22:14

Yoge mbareegi, at Akimelek nen aap endagembogut nogo yoge logonet, “At Ndawut iniki kwi'ndak abu li'lak eeke menggerak togoti ambi it kinom eeke menggendak inenggela'me wonage mbaken? At nogo ti, kat karugelo aret. Ndi, it karum waka inowe at aret me, kat kame menggaarak abok aret, At iya o, yinuk, endage tiyappugwi nogo lek a?