1 Tamuwen 20:31 - Ala Wone Peenok Peebi Mbanak

³¹ At Itayi aput eenik wonage kagak, kat kendagembogut age, ndi, kabu'me piige logowam nggwok age, eerigin lek nogo kat keenggo'lek a? Togop aret me, an warikit nduk, eebe wonok niri woraawak nen, aap ambi nappiyet.”

1 Tamuwen 20:31 Cross References

2 Tamuwen 12:5

Yoge mbareegi, at Ndawut nogo konembunuk, anini ambik age nagagerik, Natan yoge, “Aap ti, abuwa mbaka'lek eekerak me, aanggo 4 awi yakkage, ndi, kambuwak nduk, eebe warogo pege, eeriyak op aret mbarenok nduk, Aliku ALA endage kumbunuk, yokkigi o,” yinuk, yoreegerak.

2 Tamuwen 19:28

Ndi, an nogobamini inom, nowe-nawot inom, it abok aret eereegwaarak paga kat nowe kendagembogut nen inoorogo piige logonet kwe, an kayeloman nalik aret it kinom mbi nonggo menggaarak nogo, ninom mbi nengge logokit nduk koonogo paneegindak me, an nowe kendagembogut ambinom koonogo panenok nduk, yokkirigin lek o.”

Ndawi 79:11

It aap keele maarak logonet, Iniki nggilu yogwe wonogwe nogo liippiige, It kambuwak nduk koonogo pugu nogo, Kat keenggi omaawi paga inagap ndake menggendak ndak-ndak inili ari, Eeke logot o.

1 Tamuwen 19:6

Yoge mbareegi, at Tawun nogo aput Yonatan nen wone yoreegerak nogo konengge nagagerik, ari logonet, “At eenik menggerak Aliku ALA endage paga an Ndawut warigin lek o,” yinuk, wone kumbuk mbaneegerak.

1 Tamuwen 20:30

Yoge mbareegi, at Tawun anini ambik a'nuk, Yonatan mberege logonet, “Wone liirogon waganggeelik ya wukak aagaluk kat yi, Itayi aput kimbirak a'nuk, agan nege ti paga kat inom, kagalo inom, kineebe maluk eerogo pakop o.

1 Tamuwen 20:8

Togop aret me, Aliku ALA enggaanom paga an kayeloman nimbirak wone koonogo pogoorak me, an maluk ambi eekirak noba wonage kenok, wo'neren kogoba wonage me, pani noorak lek o. Ata, nabuwa mba'nuk, kat nen aret noorogo panumunggun o.”

1 Tamuwen 23:17

Ka nage nagagerik, Yonatan nen at Ndawut yoge logonet, “An nogoba Tawun nen pikkabi woraagin abu lek o. Kat nimbirak Iterali inarum logonet, kat kendagembogut keegak, an kat kabu'me logorak nogo neenu aret o. Ndi, nogoba Tawun kunduk, eenu aret me, kagabiti mbarugun o,” yinuk, yoreegerak.

1 Tamuwen 26:16

At Tawun awooluwak inom, agiiwak inom, anobak me wonage menggerak nogo wonage ilik, lek a? Pekket! At Aliku ALA nen leenogo pereegerak amburu eeppugu kogoba nogo, arum logonok nduk mippagagerak kwe, liirogon arum logolik ti, maluk aret eekendak me, kat kawuri kinom aret kinagap mbugunggologotak abet aret mbarenok nduk, at eenik menggerak Aliku ALA endage kumbunuk, yokkigi o.”