1 Tamuwen 20:21 - Ala Wone Peenok Peebi Mbanak

²¹ nayeloman yoge logonet, Maale namburik ti, wa nak o. Yoriminggirak nage logomenggerik, kwaarit nege kagak, Time lek o. Maale namburik ti, yime pa'nggwe wonage me, wonok omok o. Ari neenok, kat nen, At eenik menggerak Aliku ALA endage paga pilit lek abet aret yo'nege me, maluk ambi eeppaniyak lek op aret nagin kagi, mba'nuk, woraamunggun o.

1 Tamuwen 20:21 Cross References

Yeremiya 12:16

It an napuri inobaabut eekwi liirogon mamunggologwe, ndi, it aa'nduk nen inagugi Mba'an endage kumbunuk, kumbuk mbanuwak nduk, napuri mamunirogogwaarak nogo pogom, yogondak, At Eenik Menggerak Aliku ALA endage paga yogo o, yinuk, nendage kumbunuk, kumbuk mbanggwi, eekwi iinok, an napuri inenggela'me logonet, wiganggo logogun kwe,

Yeremiya 4:2

Ndi, Nit a'me nggelok mban eeppiinet nugwi, Obeelom mban eerit nugwi, Pilit lek abet aret eeko logogun o, yinuk, Neenik Minggirak Naliku ALA nendage kunogo kumbuk mbanggwi, Eekwi iinok, It aakumi inanebunu lombok nen, It eekwi ti, nit togop aret eeko logowok o, yinuk, Nale'nggen-kale'nggen yogo logonet, nendage tiyappanogo logogun o,” yinuk, yegerak me yokkiragi o.

Yeremiya 5:2

It nen, Nit abet aret ndogop eeko logowok o, yinuk, at eenik menggerak Aliku ALA endage kumbunuk yogo o, yinuk, kumbuk mbanggwi kwe, Inoone piliret kumbuk mbanogo yogo menggaarak o,” yinuk, yegerak o.

Amot 8:14

Inagugi inenggali aga Tamariya mendek endage kumbunuk yogwe, It Ndan mendek inagugi eenik menggerak yi wae, yogwe, It Mberetiyeba mendek inagugi eenik menggerak yi wae, yinuk, yogwe, Eeko logomenggaarak nogo It kunduk an noone abu nen kwaarit nogo logonet, koya-koya nggween paga ngginnarit namenggaarak me, Pilak togon mi'narugun lek aret o,” yinuk, Aliku Itok Menggerak ALA nen aret yegerak me, yokkiragi o.

1 Tamuwen 20:20

an nen maale ne kenagan paga yugum ti, wake yuwak eraaninu namburogo nappunuk,

1 Tamuwen 20:22

Ndi, an nen wulaga nogo yoge logonet, Time lek o. Maale namburik nogo ti, aru pa'nggwe tayorogon time wonage o, yoge neenok perak, Aliku ALA nen, An o ena time nggwe nappanege, kagi, mba'nuk, time aret namunggun o.

1 Tamuwen 20:36

at Yonatan nogo nen wulaga nogo yoge, “Maale namburogo nappege yi, mbe agan wa nak o.” Yoge mbareegi, mbe agan nage kagak, maale nogo obaga mbo namburogo nappereegerak.