1 Tamuwen 20:2 - Ala Wone Peenok Peebi Mbanak

² Yoge mbareegi, at Yonatan nen, “Togop yagandak ti kwe, kat koorigin lek o. An nogoba nen yi mendek ndi mendek mbuuluk a, nggwok a, eeke logonet, an yo'nega'lek kagak, eekeelik me, kat nen, Eeppanigin, yagandak nogo ti, an yo'nega'lek kagak, eeppagarak mbaken? Ti lek aret mbaki o.”

1 Tamuwen 20:2 Cross References

Wakkagagerak 44:7

Yorage mbareegi, it nogo nen at aap nogo yogo logonet, “Ninogoba o. Nit togop abu eerulik me, kat nonggop nduk wone togop yo'nira wagan? Nit kayeloman mini togop eeriyak abu meek o.”

Ndawi 40:6

Kat kake warogo wokkugwi inom, yi mendek ndi mendek kake pugwi inom, Kat keebi mbake logonet kwe, Koone konengge logokit nduk, An naruk paarogo panegendak o. Kake warogo kani kunggwi inom, Ninomaluk lek aruwak nduk, Kake warogo wokkugwi inom, “Nonggop nduk nake puulik o,” yinuk, Yo'niraamunggun lek kwe,

Kini Wuppiige 29:24

Aap ambi nen aap kumaaka inom kumbunuk, eerit nage logomenggerik, Maluk eeremenggerak pagangge kenok, owak loongga nen maluk onggo oba pege, Ndi, maluk pagangga'lek wonage kenok, Ala nen aret pulunogo pege, Eerugun me, “Nela nen eeki ao,” yinuk, at eebe aret eebi lombok mbake menggerak.

Yetaya 50:5

At Aliku Itok Menggerak ALA nen naruk liirogon konengge logokit nduk, eeppanegerak me, “An koneniyak neebi,” mbake, nena nomok ari, Eerulik o.

Lukat 20:16

Lek o. Wage logomenggerik, it eyabu arum wonogwe nogo inoorogo piinok, inobaane'me it aap alik arum logowak nduk, mippiya woraagin o,” yinuk, yoragagerak. Yorage nogo it aakumi konenggo nogogwaarik, “Togop eeriyak mage o, ninogoba.”

Yaya 15:15

Ogoba eeke nogo ayeloman mini ineenggo'lek menggaarak kwe, an yi wone ndi wone abok nogoba nen yo'nereegerak nogo yokkiragarak me, yogondak yi kuli paga nen, Nayeloman mini o, yinuk, yokkiraagin lek o. Ata, Noreewi aret o, yinuk, yokkirage logogin o.

Yaya 17:8

Kat wone yo'nereegindak nogo abok aret yorage mbareegi, waganggo nogogwaarik, an kat wonage me nen abet aret wagagirak ineenu ogogwaarak me, kat nen an nappani wagagindak nogo it abet aret mbareegwaarak o.

Yotuwa 22:29

Togop aret me, at Ala ake warogo kani kunggwi, gandum anggen yigirik ake pugwi, warogo ake pugwi, eeko logorak ti, at Aliku ninogoba Ala ake warogo kani kunggo menggam awooliya wurik enaame wonage kagak, mbo punuk, Ala nineebi o, yinuk, niniki worokot logonet, alik ambi eekak yuwok, mba'nuk, eerulik o,” yinuk, yorogogwaarak.

Yotuwa 24:16

Yorage mbareegi, it aakumi apit nen onggo at yogo logonet, “Nit nen at Aliku ALA mugurok nogwe nogo mbo punuk, obaane'me alik mendek mugurok noorak mondok nineebi o.

1 Tamuwen 14:45

Yoge mbareegi, it aakumi nogo apit nen Tawun yogo logonet, “At Yonatan nen aakumi Iterali mondok iya tit ninagap ndakerak nogo ti, meek mba'nuk, Yonatan wariyak yagan ya? Ala nen yeenggwaage kagak, ne yogondak yi paga eekerak me, at Yonatan eeruwak ambiriluk ambi nggween paga wambuurak mondok lek o, yinuk, Aliku ALA eenik menggerak endage kumbunuk, yokkogo o.” Yoreegwaarak ti paga Yonatan warulik ili eerogo teppereegwaarak.

1 Tamuwen 20:1

At Ndawut o Arama Nayot time nen mbaganit Yonatan ka nage nagagerik, yoge logonet, “Kat kogoba nen an nenggaawak lek eeppaniyak eeke ti, nano eeppiigirak? An maluk eekirak ngge? Ndi, ngge eekirak paga eeke agaarik?”

1 Tamuwen 20:12

Nogo nogogwaarik, at Yonatan nogo nen Ndawut yoge logonet, “An nogoba wonage me nage logominggirik, kat eeppagarak koonggerak nogo liippunuk, kat ambi eeppagarak lek op aret kenok, kat keenu a'nok nduk, ko'lu ilik, ko'lukwak a, oonegen yogondak yi ndak-ndak wone agago nappi woraagin o. Ndi, nogoba nen maluk eeppagarak mbake kage kenok perak, kagap ndakko'nok mbaganenok nduk, yokkiri woraagin mban. Yokkiri wage lek neenok ti, Aliku ALA nen an aret nooruwak o, yinuk, at Aliku Iterali inogoba Ala endage paga abet aret yokkigi o. Togop aret me, at Aliku ALA nen an nogoba aa'nduk imbirak wonagagerak nogo pogom kimbirak togop aret logowak o.

1 Tamuwen 20:3

Yoge mbareegi, at Ndawut nen ari logonet, “Kat an niniki kunik wonage nogo kogoba abu eenu aret me, at nen ari logonet, An nen Ndawut eeppuurak mbake nogo Yonatan iniki wakkolookwak, eenu eeppuurak lek, mbake me, kat yokkega'lek kagak, an niyok ambi punuk, Ambi pi, ari paga aret noorigin o, yinuk, Aliku ALA eenu me, kat togon keenu a'nok nduk abet aret yokkigi o.”

1 Tamuwen 9:15

At Tawun nogo Tamuwen imbirak lambungga'lek kagak, o kobit at Aliku ALA nen Tamuwen yoge logonet,