1 Tamuwen 20:12 - Ala Wone Peenok Peebi Mbanak

^12-13 Nogo nogogwaarik, at Yonatan nogo nen Ndawut yoge logonet, “An nogoba wonage me nage logominggirik, kat eeppagarak koonggerak nogo liippunuk, kat ambi eeppagarak lek op aret kenok, kat keenu a'nok nduk, ko'lu ilik, ko'lukwak a, oonegen yogondak yi ndak-ndak wone agago nappi woraagin o. Ndi, nogoba nen maluk eeppagarak mbake kage kenok perak, kagap ndakko'nok mbaganenok nduk, yokkiri woraagin mban. Yokkiri wage lek neenok ti, Aliku ALA nen an aret nooruwak o, yinuk, at Aliku Iterali inogoba Ala endage paga abet aret yokkigi o. Togop aret me, at Aliku ALA nen an nogoba aa'nduk imbirak wonagagerak nogo pogom kimbirak togop aret logowak o.

1 Tamuwen 20:12 Cross References

2 Tamuwen 21:7

Yorage nagagerik, Tawun aput Yonatan nogo Ndawut imbirak Aliku ALA endage paga, “Yogop eeko logowok o,” yinuk, kumbuk mbanogo pereegwaarak me, aap endagembogut nen Yonatan aput Mepibotet abuwa nen wogoroolik.

Ayup 31:4

At Ala nogo nen an eeke minggirak nogo liippanege, Niyok pit nage nogo at eenggi linggingge, Eekeelik mbakop?

Ndawi 17:3

“Noone paga nen maluk ambi eerigin lek o,” yinuk, wone nggaruk togon koonggirak me, Kat nen niniki kwaake, Oonikiya liippanit unggwage, An nabut liirogon mbangge, Eeremenggendak kwe, An maluk eekirak ambi lek aret kaamunggun o.

Kini Wuppiige 20:5

Aakumi inikime eeriyak koonggwi nogo ti, niyo aloboguk ambik kwak aret wonage menggerak kwe, Aap iniki warak nogo nen yi toologo nippi wogo mengga kwak, iniki koongge nogo pilanogo nippi wage menggerak.

Yotuwa 22:22

“At mondok omaawi menggerak ti, at Aliku ALA alik aret o. At mondok omaawi menggerak ti, at Aliku ALA alik aret o. Nit eekoorak at Aliku ALA eenu aret me, nit Aliku ALA wone taganogo punuk, niniki worokot logonet, nineebi kinombakwi, at Aliku ALA nineebi ombakwi, eeppunuk, yi eekoorak kenok, Aliku ALA nen ninili yuurak lek kit nen ninooriyak op aret o.

1 Tamuwen 20:11

Yoge mbareegi, Yonatan nen Ndawut yoge, “Nimbirak penaame time nawok nduk omok o.” Yoge mbareegi, imbirak penaame aret nogogwaarak.

1 Tamuwen 23:18

Yoge nagagerik, at Ndawut imbirak at Aliku ALA enggaanom paga wone abuk nggaruk togon kumbuk mbanggo nogogwaarik, at Ndawut o Korep time wonage kagak, Yonatan nogo ame aret wagagerak.