1 Tamuwen 20:1 - Ala Wone Peenok Peebi Mbanak

¹ At Ndawut o Arama Nayot time nen mbaganit Yonatan ka nage nagagerik, yoge logonet, “Kat kogoba nen an nenggaawak lek eeppaniyak eeke ti, nano eeppiigirak? An maluk eekirak ngge? Ndi, ngge eekirak paga eeke agaarik?”

1 Tamuwen 20:1 Cross References

Ndawi 54:3

Aap inambik nen pilak yogo logonet, nookwi, Aap kayuk wuka'lek inogogun worokot nen nenggaawak lek eerogo paniyak nduk eekwi, Eekwi me,

2 Korindut 1:12

Nit eerit nogo logonet, liippunuk eerit nogo monggoorak kwe, kit kinenggela'me logonet perak, mondok iya lombok eeko nogogurak nogo, abeko logonet, it aakumi nggween paga mendek iniki koombunuk agan nugwi kwak agan nugwi, kinamendek kolaawok nduk, wone eegu nobat yokkirogwe, ti eeko logolik o. Ata, Ala niniki kunik nen omaawi eeppinanege kagak, mondok abet kenok mban kenom paganogo yokkirogo nogogurak nogo mban abe'nage kenok, “Op eekoorak me, ia!” yinuk, niniki ale'nggen mbako ogoorik o.

2 Peterut 2:9

Ala nen togop aret eeginabit wundi wagagerak me, nit at apuri at oone eerit nugwi nogo aaninggin mendek ninoba age kenok, ninagap ndake, ndi, it obeelom eekwi lek maluk eeko menggaarak nogo peebi age yobok paga inowak loonogo punuk, maluk inoba kwippiige, eeriyak nogo at eenu aret me, eerigin aret mbako logowok o.

1 Yaya 3:21

Noreewi niniki kunik yi wae. Nit ambi eekoorak paga ninikime nen ninenggali wappinanega'lek kenok, Ala enggaanom paga ninagabiti mbariyak lek o.

1 Tamuwen 12:3

Ndi, yogondak at Aliku ALA inom, aap leenogo amburu kilippogotak inom, inenggaanom paga an mi'ndak wonage me, an maluk eeppinagage logonet, aap ambi aanggo lembu wagangge, aap ambi aanggo keledai wagangge, aap ambi wi-wi eeppege, aap ambi tebenogo pege logonet, noone omaawi yoge, aap ambi eekerak kagaarogo pikit nduk, wu wo'niri wage kenok wagangge, ti mendek ambi eeke neegotak nogo yo'nugwi kiinok, an nen obaane'me pikit nduk, yo'ninip o.”

1 Tamuwen 19:1

At Tawun aput Yonatan inom, awuri inom yabu eeko menggaarak nogo inom, abok aret nen Ndawut mondok warogo puwak nduk, Tawun nen yoragagerak kwe, at Tawun aput Yonatan perak, Ndawut iniki kunik lombok wonagagerak me,

1 Tamuwen 19:18

Ndi, at Ndawut nogo, we kurik me aret mbaganit Tamuwen ame o Arama nogome unggwi wage nagagerik, Tawun nen at eeppereegerak nogo abok aret mbininogo Tamuwen yoreegerak. Yoge mbareegi, at Tamuwen imbirak o Nayot nogo nogogwaarik, time aret wonogogwaarak.

1 Tamuwen 20:2

Yoge mbareegi, at Yonatan nen, “Togop yagandak ti kwe, kat koorigin lek o. An nogoba nen yi mendek ndi mendek mbuuluk a, nggwok a, eeke logonet, an yo'nega'lek kagak, eekeelik me, kat nen, Eeppanigin, yagandak nogo ti, an yo'nega'lek kagak, eeppagarak mbaken? Ti lek aret mbaki o.”

1 Tamuwen 20:32

Yoge mbareegi, at Yonatan nen wone onggo ogoba yoge logonet, “At nonggop nduk wariyak? At maluk nano eekerak?”

1 Tamuwen 24:11

Kooka'lek teppagage logonet, kayum irip mban mbuuluk mbanogo waganggirak neenggime wonage yi, pekket o, nogoba. An tebenogo pagakit nduk, koone taganit nage, an maluk eeppagage, eekirak noba wonage lek yum yi paga keenu aru o. Kat perak, an nooriyak nduk, mu'neren-ma'neren nege menggendak ti,

1 Tamuwen 24:12

An maluk a, kat maluk a, at Aliku ALA nen mban ninowak loonigin o. Kat maluk eeppanege menggendak ti, onggo an neenggi paga nen maluk eeppagagin lek o. Ata, Aliku ALA nen aret eeppagage logogin o.

1 Tamuwen 24:17

Le ari nagagerik, Tawun nen Ndawut yoge logonet, “Kat nen abu obeelom mban eeppangge keegak, an yi, maluk lombok aret eekkabit nege me, kat abu obeelom aret keegak, an perak, maluk aret kagi o.

1 Tamuwen 24:9

Ayuk wuke nagagerik, Tawun yoge logonet, “Ndawut nen maluk eeppagarak ari o, yinuk, aakumi nen yokkugwi nogo, nonggop nduk konengge agandik?

1 Tamuwen 26:18

Ari nagagerik, “An maluk nano eekirak. Ndi, maluk ngge eeriyak koongge me, an kayeloman mu'neren-ma'neren nege agandik?