1 Tamuwen 2:9 - Ala Wone Peenok Peebi Mbanak

⁹ It aakumi abet mbako menggaarak nogo, Nggween ti paga iniyok pit nogwe iigak, inarum wonage, It inogogun ambik maluk eekwi iinok perak, o apit me time inoone lek eerogo piige, Eeke logomunggun o. Aap ambit-ambi, An nomaawi paga ndogop eerikit o, Koonggetak nogo aret ageelik me,

1 Tamuwen 2:9 Cross References

Ayup 18:18

O eya me nen mugogo o apit me nappege, O nggween paga yime nen, Nak o, yoge, Eerigin me,

Ayup 40:13

It abok ambugwi aret nggween taambiige, Keele maarogo kambunuk nogo menggam mambiige, Eeke logot o.

Ayup 5:16

Ineenggi lek nogo iniki lunik ambi wonage me, It maluk eeppiyoorak mbakwi nogo, inoone lek eerogo piige, Eeke menggerak o.

Ayup 5:24

It kame menggaarak nogo, iniki ugun nu'lek wonogwe, Ndi, kaanggumi wonogo menggam pekkage kenok, Ambi kobak arulik enaani wonogwe, Eekwi iyaamunggun o.

Ndawi 1:6

It aap iniki abe koonak nen eerit nogwe nogo, Aliku ALA nen enegen wogonake menggerak kwe, It aap maluk eeka nen eerit nogwe nogo, Lek eerogo piige menggim time aret nogo menggaarak o.

Ndawi 105:37

Ti eerogo piinok, it aakumi Iterali mendek nogo O Metit nen wogoren wage, Mbuti emas inom, mbuti perak inom, Inoba luurik-maarak aago ineebe obeelom inaani aret wogoren wundi wage, Eereegerak.

Ndawi 121:3

Kiniyok eraabin tuk togon eekkirage kero pikkinake, At kinarum waka nogo, nogo lomok yaga'lek eenik aret wonage,

Ndawi 121:5

At Aliku ALA nen kinarum wonage, Eyo abu'me ngguna'me mengga kwak, Aliku ALA togop aret eeppinagage, Eeke me,

Ndawi 121:8

Wundi nogwe, unggwi wogwe, eekwi kiigak, Aliku ALA nen o yogondak nen nok, Peebi kuli mondok-mondok kinarum aret wonage, Eeke logogin o.

Ndawi 145:20

It aakumi abok nen Aliku ALA iniki kunik eekwi iinok enegen wogonake, Eeke menggerak kwe, Aap maluk mendek perak, abok aret lek eerogo piyaagin o.

Ndawi 31:17

Kaliku ALA wae. Noone nggwok paga yokkege me, An nenggali arukwak mbo paniyak mage o. Aap maluk eeka perak, inenggali ogwe, Kambunuk nogo menggam nanuk inabolok lek wonogwe, Eeruwak nduk, eeppiyet o.

Ndawi 37:28

At Aliku ALA nen Aap a'me nggelok eeka nogo iniki kunik eeginake, Aap at oone liirogon eerit nugwi nogo Mbo piinok mbaganigin lek inom wonage, Eeke logogin o, Togop me, at mondok-mondok inaani aret ndegeninabit wundi wage logogin kwe, It aap maluk eeka inombowologwe kenok perak, Inenggaawak lek eerogo piige logogin o.

Ndawi 94:18

An nen ari logonet, “Kaliku ALA wae. An eraabin tuk togon wangge agarik o,” ari neenok, Nabuwa nen pi'nake nagandik, nu'lek eerogo panege,

Ndawi 97:10

Yoragaatak konembunuk liirogon eerit nugwi nogo Aliku ALA nen inarum wonage, Aap maluk mendek ineenggime nen inagap ndake, Eeke menggerak me, Kit at Aliku ALA kiniki kunik eeko monggotak yi wae. Maluk kineebi mbako logonip o.

Kini Wuppiige 16:9

Aakumi inikime nen, “Yogop eerikit, ndogop eerikit,” mbako menggaarak kwe, Aliku ALA nen perak, “Ti eeppunuk ti ee'nip o. Ti eeppunuk ti ee'nip o,” yinuk, koonogo yorage menggerak.

Wone Alom Kibingga 5:17

Inale'nggen lek yumaak aago logonet, iniki piirik wonogwe, andi-pandi kogwe, inanini mban mbakwi, Eerit wogwe iigak, It nda'nogogwaarak ne nogo lek aret ari nage menggerak.

Wone Alom Kibingga 9:11

Oonegen abu'me yime ambi eeke kagagirak nogo yi o. Inogowa ambik kenok inaa'nduk unggwi nogwe, Aap wakaa'ngget kenok, ineegin tiyak ari, Iniki warak kenok, inambi nunggwi, Iniki ngget kenok, ineenggi warak eekkologwe, Ndi, ineenu kenok, obeelom eeppiigwi, Eekulik o. Ata, ti eeriyak abok aret, “Ti eyom paga ariyak,” agaatak me, age menggerak.

Yetaya 27:3

Anggur anggen abe mendek yaremenggerak nogo ti, Naliku ALA an aret unde wake, Kulinik-kalinik niyo kilirogo pit nage, Aap ambi nen maluk eeppege kero, ko'lu-kii'me arum wonage, Eeke logogin o.

Yetaya 47:5

Ala nen ari logonet, “It Mbaben mendek inaagaluk kat yi wae. Koone ambi yaga'lek kwi'nage, Koone lek aret o akem yumaak aago me time unggwi nage, Eeru o. Yi aap ndi aap inabu'me piigo menggam unde ninagalo kwe nggwok kat yi aret o, Yinuk, ambinom yokkogo logogun lek o.

Yeremiya 8:14

It Ala apuri nen yogo logonet, “Nonggop nduk nit yime kwi'ndik-kwi'ndak mban ogoorik? Nit nen at Aliku ninogoba Ala maluk eeppogoorak paga at nen niyo kanggo menggaarak mendek toologo wo'nirage, Ninenggaawak lek eerogo pinanikit nduk koonogo pege, Eereegerak me, Nit mbet-mbet kuwak eekwi, Kuwak eeppunuk, o kota-kota yugum pak wurik me time unggwi nogo logomonggoorik, kambit nogwe, Eeruwok o.

Yeremiya 9:23

Aliku ALA nen yegerak yi aret. “Aap iniki warak ambi nen, Niniki warak me, an iya o, mba'nuk, tiyappake, Aap omaawi ambik ambi nen, Nomaawi ambik me, an iya o, mba'nuk, tiyappake, Ndi, aap eenggi warak ambi nen, An neenggi warak me, an iya o, yinuk, tiyappake, Eerugwaarik o.

Nakum 1:8

Niyo wu'nuk wage logonet, yi mendek ndi mendek taanogo pit nage menggi kwak, At inom wim mbanak inenggaawak lek eerogo piige, At inom ogoorak nogo mugogo kanggo menggam o apit me nappiige, Eerigin o.

Tepaniya 1:15

Ne ti ari woroorak nogo ti, Aliku ALA anini eeppiyoorak eyom aret me, Ne ti paga it aakumi iniki wakkologwe, Nonggop eeruwi o? yinuk, iniki aaninggin ndugu aago nugwi, Ne ti paga aakumi maluk lombok eerogo piigwi, yi mendek ndi mendek pup eerogo pugwi, Ne ti paga o apit age, o yumaak lombok eerogo pege, Ne ti paga o ndugwi narogo pege, o ogum lombok eerogo pege,

Takariya 4:6

Yoge mbaki, at nen an yo'nege logonet, “At Aliku ALA nen at Terubaben yoriyak yo'negerak nogo yi aret. At alilaakwi paga, at omaawi paga, eerigin lek o. Ata, an Naberiniki paga eeppege neegak eerigin o, yinuk, at Omaawi Lombok Menggerak Aliku ALA nen aret yegerak, yoru o.

Linggineegwaarak 6:24

Aliku ALA ale'nggen kinoba pinagage, Liirogon aret ndegengginake,

Matiyut 8:12

it ando, Ala abu'me pinaniyak nit aret, mbakwi nogo perak, ineebe o apit me endekem time mbo nappiyamenggerak logonet, leenggu maakwi, ineyak nggilik maakwi, eeko logogun o, yinuk, yokkiragi o,” yoragagerak.

Oroma 3:19

Ti kenok, Ala nen, “Yogop ee'nu, ndogop ee'nu,” yinuk, wone Muta yoreegerak nogo abok aret it woppunuk eeko menggaarak ti, inake aret nineenu me, it yi aap ndi aap o yime menggaarak abok aret inoone lek agago piinok, “Nit abok aret maluk eekwi onggo eeppinanigin kogo o,” yinuk, yelok kaawak nduk, wone Muta yoreegerak kogo ogoorik o.

Pelaareegerak 33:3

Kaliku ALA nen kapuri abet aret inabuwa mbake me, Kapuri kake leenak abok aret keenggime wonogwe nogo Kabu'me tebe yinuk, koone waganggwi,

1 Peterut 1:5

Ninake pinanogo wonage kola noorak nit nogo ti, abet mbakwi niinok, Ala nen o age yobok paga ninagap ndariyak kooneegerak nogo, peebi togop ndak-ndak eeppinanikit nduk, yogondak Ala omaawi paga nggelorogon pinanogo wonage nogo, ninake aret pipuk eerogo pinaneegerak mbogut paga wonage o.

2 Peterut 2:17

Aap ambi nen ogoba abu'me logonet, aruk konok mban eeke menggi kwak, it aap pilit pugunggo menggaarak ti nen maluk eeriyak aganake kenok, tebenogo pugwi lek eerit noorak mban aganake me, it maluk eekwi ti, ayeloman negen aret kwe, kagak, wogoppako logonet, it aap ngget iluk maluk eeriyak, “Nineebi o,” yinuk, mbo pegaarak nogo iniki nggaganggo logonet, “We ugun eeko logorak mendek kagak, nano nduk mu-mage mban yogo ogotik?” yinuk, iniki nengge nogo mban mugurok nawak nduk, inikime manabit nogo menggaarak me, wone alom lek kagak, ugun yorogo menggaarak o. It aap ti, niyo eneeri poronak kwak logonet, inoone o wiya nen ameraakot wonok nage menggi kwak yogo menggaarak me, at Ala nen o apit me logowak nduk, inake ogobakkigirogo pereegerak wonage agaarik o.

Yurat 1:1

Kit ninogoba Ala nen yonggo pinagareegerak kinom kunik Yetut Keritut kinarum wonage nogo, an Yakobut ore Yetut Keritut ayeloman Yurat nogo nen aret keyage wappinagi o.

Yurat 1:13

niyo kilaarak-mogonik eeke logonet, eyak-nggoyak eerogo nippit wage menggi kwak, it aap ti, eekulik mendek kagak togop aret ugun-ugun eerit nugwi, ndi, laaluguragan inobaane'me lombok wonogwe iigak, ambiret ambi nggigik togon, pinda agan lek ari nage menggi kwak, eerit nugwi, eeko menggaarak me, at Ala nen o apit aago me mondok-mondok logowak nduk, inake ogobakkigirogo piyareegerak wonage agaarik o.

Yurat 1:3

Noreewi o. Kit an niniki kunik me, wone ambi yokkira o. Kit ugun kineenggo'lek kiigak, it aap ando kinenggela'me unggwi wogo nagaarik, Ala iniki kunik en obeelom eeppinanege menggerak wone nogo, abut laganogo, “Ala iniki kunik ee'ninake menggerak me, nit maluk eekwi niinok, maluk ninoba pinanigin lek o,” yinuk, iniki liirak lek iniki nengge kenok ugun-ugun eerit nogo logonet, at Aliku ninowe Yetut Keritut nogo ti, “Nit ninowe lek o,” yinuk, yogo menggaarak. Togop me, Ala nen it maluk eekwi onggo muk inoba piyoorak nduk, punogo piyareegerak wonage kagak, we ugun kobak logonet, agan nugwi me, nit ninagap ndareegerak wone ndak-ndak waganeegurak nogo, amburu mbanogo liiru mbanggiraakit mbakirak kwe, it togop agan nugwi iinok, abet mbakwi wone ambit at Ala nen o maan nit at apuri ake leenak mondok-mondok unde eeppinaneegerak wone nogo, taganogo mbo pugwi kiyo, “Yi Ala wone aret me, taganiyak lek o,” yinuk, mondok kinogogumbuk logonet, pipporogo logobagip nduk, liiru yi, mbanggiragi o.

1 Tamuwen 25:26

Togop aret me, Maluk eeppagagerak onggo eeppiyaakit, koongge logonet, aakumi inamiya wunabukwak, at Aliku ALA nen non mbambagagaarak me, it kawim inom, it kat nogoba maluk eeppagarak mbakwi nogo inom, at Naban kwak aret logowak o, yinuk, kat keegak, at eenik menggerak Aliku ALA endage kumbunuk yagi o.