1 Tamuwen 2:7 - Ala Wone Peenok Peebi Mbanak

⁷ Kaliku ALA nen mban aakumi ineenggi lek eerogo piige, Ineenggi warak eeppiige, Iniki wogoppakwi iinok tebeppiige, Iniki tebeppakwi iinok, tiyappiige, Eeke menggendak o.

1 Tamuwen 2:7 Cross References

2 Endagembogut 9:6

Yoge mbareegi, at Yeku nogo mi'na'nuk, imbirak oome time unggwogo nogogwaarik, aap Ala nen yoge kagak yoraga nogo nen tayitun amburu nogo at Yeku anobak paga kilippege logonet, wone yoge, “At Aliku Iterali inogoba Ala nen ari logonet, Naliku ALA napuri Iterali mendek inowe endagembogut logowak nduk aap Yeku mippigi, yegerak me, mippagagi o.

1 Mbinineegwaarak 29:12

Yi mendek ndi mendek kat mban unde wonage me, Aakumi ineenggi warak eeppiige, Aap inayuk warak logorak eeppiige, Eeke menggendak o. Kat mban keenggi omaawi wonage, Yi mendek ndi mendek porogo wonage, Eeke menggendak me, Aakumi inendage tiyappiige, Yi aap ndi aap inomaawi eeppiige, Eeke menggendak o.

2 Mbinineegwaarak 32:27

Aap Kitikiya nogo eenggi mondok warak lombok age, endage abu tiyak ari, eereegerak. At awu mbuti perak inom, emas inom, yugum onggo nggwok mendek inom, ombat abe eeka mendek inom, yi nggeemu ndi nggeemu inom, yi mendek ndi mendek abe mendek abok aret inom, pogo logowam o wurogo pit nage,

2 Mbinineegwaarak 32:29

ndi, at Ala nen eenggi warak lombok eerogo pereegerak me, o nambit-mbit wurogo pit nage, kambin-ndomba inom, tapi-lembu inom, ambik kunogo pit nage, eereegerak.

Ayup 1:21

Alut eeke logonet, “Nagalo inikime nen we nagap mbelanak nda'nagagirak me, Kambunuk, we nagap mbelanak aret nagin o. Kaliku ALA nen wo'nege, Kaliku ALA nen mban wogonake, Eekendak me, Kaliku ALA kendage mban tiyappege logokit o,” yinuk, yoreegerak.

Ayup 40:12

Iniki tiyappakwi nogo tebenogo patuwak nduk, kenegen loolo irage, Aap maluk eeka wonogo menggam aan lebenogo piige,

Ayup 5:11

Inendage tebenak kenok, inendage tiyappiige, Iniki wakkologwe windak iinok, inale'nggen eerogo mippiige, Eeke menggerak o.

Ndawi 75:7

Ata, at Ala nen aret aakumi inowak looni woraagin o. Inowak loongge logonet, It ambi tebeppiige, it ambi tiyappiige, eerigin o.

Ndawi 75:8

Niyo toolak kwak, Aliku ALA anini nogo, Togolowa'na toolak at eenggime porogo wonage, Anggur amburu eyak-nggweyak obari abe eeka inom nenggelak-kenggelak eerogo toolak kwak wonage me, At nen kilirogo nappi wage kenok, It aap maluk eeka nggween paga wonogwe nogo abok aret Amburu ti, mondok porok togon nonggo logogun o.

Kini Wuppiige 22:2

Aap ineenggi lek ineenggi warak imbirak Aliku ALA nen mban ogobakkigirinabeegerak me, imbirak ndak-ndak aret o.

Yetaya 2:12

At Omaawi Lombok Menggerak Aliku ALA nen aakumi eeppiyoorak ne ambi koonogo pereegerak wonage o. Koonogo pereegerak ne ti eyom paga Aakumi iniki wogoppakwi inom, inanggup tiyappakwi inom, Ti mbakwi abok aret iniki tebe yuwak nduk eeppiige,

Yeremiya 49:15

Togop me, Aliku ALA nen ari logonet, “An nen aakumi inanebunu lombok inenggela'me at endage abu lek logowak nduk eerogo pege, Aakumi nen at meek eerogo pogo logowak nduk eeppiige, Eerigin o.

Yetikiyen 17:24

Togop eeke neenok, Naliku ALA nen eyo nggorek kenok kuwagaluk eerogo pege, eyo kuwagaluk kenok nggorek eerogo pege, eyo ki ti, mbuk eerogo pege, ndi, eyo mbuk kenok agarip wunduwak nduk eeppege, eeke minggirak nogo yi eyo ndi eyo penaame menggerak abok aret ineenu arugun o. Wone yi, Naliku an ALA nen aret yagarak me, eerigin aret,” yo'negerak kenok, yokkiragi o, yinuk, yoragagirak.

Yakobut 4:10

Ala abu'me kiniki tebe yinip o. Tebe yogwe kiinok, at nen kit aret tiyappinagagin o.