1 Tamuwen 2:4 - Ala Wone Peenok Peebi Mbanak

⁴ It aap wakaa'ngget ineegin nogo muk kalenogo piige, Ineebe lebenak ya ngginnagak nugwi nogo perak, inomaawi eerogo piige, Eekendak o.

1 Tamuwen 2:4 Cross References

Ndawi 18:39

Nawim ninom namburiyak nduk, kat komaawi eerogo panege, Ninom ogoorak nogo nabu'me tebe yi woraawak nduk eeppiige,

Ndawi 37:15

It inawooluwak paga nen Yungguk togon it aret wakkologwe, Ndi, ineegin nogo kalenogo pakwi, Eerugun o.

Ndawi 46:10

Togop me, at Ala nen ari logonet, “An Ala aret kineenu arubagip nduk, Kinabulok lek puk logonip o. Yi aakumi ndi aakumi inenggela'me nendage tiyak ari, O nggween paga yime nendage nggwok age, Eerigin o,” Yinuk, yereegerak o.

Ndawi 46:9

O nggween irip-irip abok aret Wim nambukwi lek eerogo pege, Ineegin kalenogo piige, Inawooluwak engget tugunogo piige, Wim eeka inanggweendo kani kungge, Eeke menggerak o.

Ndawi 76:3

Time nen wim eeka maale pinda agan naga inom, Nggeemu inom, wooluwak inom, kalenogo pit nagagerak o.

Yetaya 10:4

Lek aret me, aakumi keele maagaren nogwe inenggela'me yipik agan nogwe, Aakumi inoorit nogo logonet, kit kinom kinookwi, Eekwi ti mban aret eekkinako logogun o. Ti abok eekkinabugun aret kwe, At anini kinombake nogo lek aga'lek ambinom kinoba pinagakit nduk, “Ndime eeri nanip o,” yinuk, eenggi titik irage agaarik o.

Yetaya 40:29

It aap inomaawi lek aago wonogwe nogo inomaawi eerogo piige, Ineebe ndeyak wonogwe iinok, inomaawi ambinom eeppiige, Eeke menggerak o.

Yeremiya 37:10

It aap Mbaben mendek inawuri wim eeka abok aret inoori wogwe nogo mugogo wumbiyoorak op nen, it mbaganggwi iigak, eegu maale warak ooliyana puk arit namenggaarak nogo nen aret wundi wogo logonet, o kota yi, kani pup eerogo pene, yegerak, yori nanip o,” yinuk, yoragagerak.

Yeremiya 51:56

Naliku ALA ti, eekaatak ndak-ndak onggo eeppiige minggirak an Ala aret o. An nen o Mbaben eekerak ndak-ndak onggo oba kwippigin me, It o maluk eerogo pega nogo o Mbaben wogo logomenggaarik, maluk eerogo pogo logonet, At awuri wim eeka nogo piginakwi, ineegin kalenogo pugwi, Eerugun o.

2 Korindut 12:9

Ala nen an yo'nege logonet, “Aaninggin-paaninggin inoba age kenok, an nomaawi mondok iya lombok minggirak kin kaawak nduk eeppiige me, aaninggin kat koba agaarak nogo, Nogoba Ala nabuwa nen omaawi ndak-ndak eeppanege logogin, mbake logot o,” yinuk, yo'nereegerak me, Keritut omaawi eeppanege kaakit nduk, andi ee'nake nogo ti, niniki ale'nggen ambik mbake logonet, “Op eeppanigi,” mbake minggirak.

Pilipi 4:13

Keritut nimbirak kunik logonet, omaawi eeppanege kagak, an yi eekak ndi eekak abok eeriyak op aret kage minggirak o.

Iberani 11:32

Ndi, ambi ngge inom yokkira o. Lek o. It aap Nggireyon kunduk, Mbarak kunduk, Timeton kunduk, Yepeta kunduk, Ndawut kunduk, Temuwen kunduk, Ala nen yorage kagak yoraga kunduk, it abok aret togop mban Ala nen it yoragagerak wone abet mbareegwaarak paga, iya negen eeko nogogwaarak nogo mbininogo yokkiroorak op aret kwe, oonegen lek age me mbo o.

Iberani 11:34

kani omoonuk eyak ambik kwe, naganak-paganak eerogo pugwi, tege wooluwak paga inooriyak nduk eekaatak kwe, melak togon woppatinuk nggarek yogwe, ndeyak aganaketak kwe inomaawi eekkologwe, ndi, waka'ngget a'nuk wim nambuko logonet aap inanebunu alik mendek inawuri yigin unde nogo mondok mugogo wumbiinet nugwi, eerit nogo nogogwaarak.