1 Tamuwen 2:33 - Ala Wone Peenok Peebi Mbanak

³³ It an nake warogo kani kunggo menggam eekwi iigak, inoorigin kwe, ando inooka'lek teppiige neenok, eerit nugwi paga at le ari logonet, enegen mbuk age, iniki wakkolage, eerigin o. Ndi, at mendek wiganak nogo abok aret ineebe awo obate paga aret kanggo logogun o.

1 Tamuwen 2:33 Cross References

1 Endagembogut 1:19

lembu-tapi inom, tapi aagalogwe inamok warak kero inom, kambin-ndomba inom, ambik aret inoorogo lake logonet, it kat kapuri abok inom, aap Ala unde Abiyatat inom, aap ineegin warak inowe Yowap inom, inayonggo piigerak kwe, kayeloman Talomo perak, ayonggo puulik teppegerak o.

1 Endagembogut 1:7

Eeke nagagerik, kwe Teruya aagaluk Yowap kunduk, aap Ala unde Abiyatat kunduk, inom wone mbambunuk, it nen, “Kat koonggendak ti, op areto,” yoreegwaarak kwe,

Ala Unde 26:16

an nen eeppiyoorak nogo yi aret. Abera'lek me aaninggin inoba nappi woraminggirak paga andi inagabolo paga kani pege logonet, inigen mbuk eerogo piige, wono eerogo pit unggwage logonet, ineebe aret lek eerogo piige, eerigin o. Yabu ambik lombok waganogo yaremenggaarak nogo inawim nen mbanggola wogo logogun me, we aanom warogo aret yako logogun o.

1 Tamuwen 2:32

An nen aakumi Iterali inanebunu alik mendek obeelom eeppiige at enegen iige logomenggerik, ari logonet, It mban eeppiige yi, Ao, yinuk, iniki wakkolamenggerak kwe, at paga wiganak ambi li a'nuk kanggo logogun lek o.

1 Tamuwen 2:34

An ari yi nogo, Abet aret arigin, eenu aruwak nduk, at apuri mbere Kopini Pinekat imbirak ne ambit paga aret kambugun o.

1 Tamuwen 22:18

Puk ogo mbareegwa, at Tawun nen Ndowek nogo yoge, “Kalik nen mban aret inoori omok o.” Yoge mbareegi, at Ndowek nogo wage nagagerik, inoorogo piyareegerak. Ne ti eyom paga inoorogo piyareegerak nogo ti, it aap yum agale warak epod yiriko menggaarak nogo ineebe 85 aret.