1 Tamuwen 2:28 - Ala Wone Peenok Peebi Mbanak

²⁸ Nigiya wage logonet, it aakumi Iterali inanebunu lombok iigak, at lombok ombo nen neebe unde logonet, ndomba-tapi nake warogo wo'nege, obari abe kaga mendek kani kungge, it aap neebe unde inayum agale warak epod nogo yippunuk, nimbirak wone mbani unggwage, eeke logowak nduk, leenogo mippereegirak. It aakumi Iterali mendek nen ndomba-tapi warogo an nake kani kuniyak mendek nogo kunduk, at ombo wiganak unde eeppiyareegirak kwe,

1 Tamuwen 2:28 Cross References

2 Tamuwen 12:7

Yoge mbareegi, at Natan nen Ndawut yoge, “Aap yagarak ti, kat aret o! At Aliku Iterali inogoba Ala nen ari logonet, At Ndawut nogo Tawun eenggime nen ndinogo punuk, aakumi Iterali inowe endagembogut logowak nduk, leenogo pege,

2 Tamuwen 6:14

Wogoge nagagerik, iniki ale'nggen nen kani kunik negen inikime wunuk ari logonet, Aliku ALA enggaanom paga kayin yawenak amuni mbanak yum agale warak epod nogo mban yirik logonet, kwirabik-kwirabok agan

Wundeegwaarak 28:1

Yoge nagagerik, Aliku ALA nen Muta wone ambinom yoge logonet, “Kat koweeluk Karun inom, at apuri Narap, Abiku, Eleyatat, Itamat inom, an neebe unde logowak nduk, aakumi Iterali inenggela'me nen kat keya woraawak yoret o,

Wundeegwaarak 28:4

Kat koweeluk Karun apuri inom inayum alik leenak neebe unde logonet, yiriko logorak penggaariyak nogo ti, inamiguwak paga yum ko'no negen yirik logorak inom, inayum agale warak akem nggorek yiriyak epod inom, yum endekem mendek nggorek inom, yum akem mendek agi yirika inom, yum inanobak perenogo piyoorak inom, inagabee'le inobate paga nggerembiyoorak inom,

Wundeegwaarak 30:7

Naliku ALA nenggaanom paga obari abe kaga nogo Karun apuri nda'naremenggaarak inom mondok-mondok kunggo logowak nduk, at Karun nen o kuubondendok ndi wuninggak koonogo puwak nen unggwage logonet, ti eyom paga obari abe kaga nogo waganogo kani kunggo logowam ogumbaga punuk, kani kungge, ti'nuk, o kiyoma ndi wunini unggwage logonet, obari abe kaga nogo mendek inom kani kungge, eeke logowak o.

Ala Unde 2:10

Yi mendek ndi mendek an wo'niriyak nduk, kani kunggo logorak nogo ti, Naliku ALA nake leenogo pugu abu mage lombok me, ando ndiinik nogo it Karun apuri inom inake aret teppogo logowak o.

Ala Unde 2:3

Yi mendek ndi mendek an wo'niriyak nduk, kani kunggo logorak nogo ti, Naliku ALA nake leenogo pugu abu mage lombok me, ando ndiinik nogo it Karun apuri inom inake aret teppogo logowak o.

Ala Unde 6:16

Ndi, ando nogo Karun apuri inom nen nonggo logorak kwe, ragi inom pega'lek oroti mban worarogo punuk, ninom lambungge minggim nawooliya owa'nagat wurik me nenggak yuwam leenogo pugume taati nen nonggo logowak o.

Ala Unde 7:32

Ala ninom lambunik logowok o, yinuk, nake warogo wo'nugwi amiya nogo werenogo pit nage, ndi, amok nogo kani kungge, eeke nogo ti, an neebe unde Karun aput ambi nen aret eeke me, aawi abeenok abe'nggan mbanak nogo ti, aap an neebe unde inalik inake aret me, aawi mbanak nogo Karun aput nogo aret wogogo logowak o.

Ala Unde 7:36

At Aliku ALA nen, “It Iterali nen an nake puurak nogo, ando mogonogo aap an neebe unde wogorogo logowak o,” yinuk, wone lengganogo yoragagerak ti, aakumi Iterali nen aap Ala unde Karun inom, apuri-ombowologwe inom, mippiinet wundi wogo logonet, mondok-mondok wogorogo logowak nduk koonogo pereegerak ti aret.

Linggineegwaarak 16:5

Ngginna'nuk, aap Kora it aakumi inom kuwak eereegwaarak nogo yorage logonet, “Kit Lewi mendek yi, kinoone yaga'lek puk aret a'nip o. Aliku ALA nen at apuri ake leenogo piige nogo at owagam koorok ka noorak op aret me, Aliku ALA nen ta miirogo pegerak owagam ka noorak op aret kin age kaamun liippuwok nduk, o ko'lu kuubondendok Aliku ALA nen yo'niraagin me, kat Kora inom, it aap apit kinom wagandak yi inom, o ko'lu kuubondendok togolowak kaninggen ndoongga nogo waganogo kani kunik punuk, obari abe kaga nogo obaga pogo logomonggotik, Aliku ALA owagam nogwe kiinok, Aap yi aret leenogo pigi o, ari kenok, aap ti aret Aliku ALA nen leenogo pegerak, mbaruwok o.”

Linggineegwaarak 18:19

Ndi, it aakumi Iterali mendek nen an nake leenak mendek wonok, Yi Kaliku ALA kake o, yinuk, pi wogwe nogo ti, kat inom, kapurilogwe wologwe inom, komologwe inom, kinake aret leenogo pinagagi o. Aap ambi imbirak wone mbambunuk, piyok yukwak, nduk mayu eerogo punuk, nonggo mengga kwak, kat kombowologwe wiganak kinom wone yugu yi, piyok ari kero, Naliku ALA nenggaanom paga mondok-mondok koonak aret logowak o,” yinuk, yoreegerak.

1 Tamuwen 14:3

Ndi, it inenggela'me time aap ambi Aliku ALA unde o Tilo wonagagerak Eli nogo, ombooluk Pinekat aput Ikabot oreeluk Akitup aput Akiya nogo, Ala unde inayum agale warak epod nogo mendek yirik ne ti eyom paga time aret wonagagerak. Ndi, at Yonatan nogo aap Pilitin wonogwe me nagagerak nogo it Tawun awuri inom ineenggo'lek aret wonogogwaarak.

1 Tamuwen 2:18

Togop aret eekwi iigak kwe, Tamuwen nogo perak, wulaga awo mbuuluk kagak ayum ligi yawenak amuni mbanak paga penggaarak agale warak epod nogo yippunuk, Ala alut eeko menggam awooliya wurik me ake eeke nagagerak.