1 Tamuwen 19:7 - Ala Wone Peenok Peebi Mbanak

⁷ Kumbuk mbangge mbareegi, at Yonatan nen Ndawut wiireegerak wage mbareegi, wone ogoba imbirak mbaneegwaarak nogo abok aret mbininogo yoge nagagerik, Ndawut nogo wonok Tawun owagam pi wage mbareegi, at Ndawut nen Tawun ake aa'nduk eeke nagagerak nogo ndak-ndak aret eeke nagagerak.

1 Tamuwen 19:7 Cross References

Wakkagagerak 31:2

ndi, at Laban etenggen aa'nduk abe wonagagerak pogom lek alik agagerak kage,

1 Mbinineegwaarak 11:2

O maan aa'nduk nen at Tawun nogo ninowe endagembogut logonet, wone lengganogo yo'nirage kagak, wim namburiyak nduk, wundi nage kenok, it Iterali ineegin warak nogo kat nen aret wogoren wundi nagak eeke keegak, at Aliku kogoba Ala nen kat yokkege logonet, Kat an napuri Iterali nogo ndomba ndegeninako mengga kwak, ndegeninake, inowe kendagembogut logonet, wone lengganogo yorage, eeke logomunggun o, yinuk, yokkereegerak nogo o,” yoreegwaarak.

Wundeegwaarak 4:10

Yoge mbareegi, at Muta nen Aliku ALA yoge, “Ai nogoba! An kayeloman o maan nen yogondak wone yori noorak yo'negendak yi kuli, aakumi ninom wone mbangge logonet, noone teeluk mbanggeelik nambe aaninggin me, meek o.”

Yetaya 30:33

At aap endagembogut Atiyut mendek nogo kani kuniyak ake aa'nduk muk pipuk eerogo pereegerak wonage o. Ti eerogo pereegim nogome inikime teberogon kabunik wonage, ambe wiganak lombok wonage, Kani wurik mban yagabit aago wonage, eerak me, kani kunik kwindagala eerogo nagake menggi kwak, Aliku ALA ambe aagi nappemenggerak paga kani logonak nogo abok aret wunuk yigin o.

1 Tamuwen 16:21

Nappi wagagerak Tawun owagam wage nagagerik, ayeloman a'nuk, ake eeke kagak, Tawun nen Ndawut iniki mondok kunik eeke nagagerik, at eegin wonok nega nogo mendek eerogo pereegerak.

1 Tamuwen 18:10

Ko'lu at Tawun nogo awooluwak eenggime ame wonage me, kugi maluk Ala nen nappi wagagerak nogo inikime lik yi unggwage mbareegi, aap kumili kunik yogo mengga kwak ari kagak, at Ndawut nogo nggitat negen eeke menggerak togo'nogo aret eeke me,

1 Tamuwen 18:13

Mbake nagagerik, Ndawut nogo aap ineegin warak ineebe seribu kuli inowe logowak nduk, mippege nagagerik, wim nggoguk ari kenok, awuri wogoret wim eeri nagak eeke logowak nduk, o ambime nappereegerak.

1 Tamuwen 18:2

Ne ti eyom paga aret Tawun nogo nen Ndawut ogoba wonage me, nawak nduk, nappuulik imbirak logokit nduk, teppereegerak.

1 Tamuwen 19:6

Yoge mbareegi, at Tawun nogo aput Yonatan nen wone yoreegerak nogo konengge nagagerik, ari logonet, “At eenik menggerak Aliku ALA endage paga an Ndawut warigin lek o,” yinuk, wone kumbuk mbaneegerak.

1 Tamuwen 19:8

Ti'nuk, aakumi Pilitin mendek nogo inom wim nggagambunuk, at Ndawut nen wundi nage nagagerik, inoba kwi'na'nuk, mondok alik negen inoorit nage mbareegi, it Pilitin mendek nogo kole mbaganit nogogwaarak.