1 Tamuwen 19:20 - Ala Wone Peenok Peebi Mbanak

²⁰ Yogo mbareegwa, at Tawun nen Ndawut pigoorak nduk, aap nappiya wagagerak kwe, aap Ala nen yorage kagak yoraga mendek time kuwak eeppiinok, at Tamuwen nen inowe a'nuk, Ala wone yorage inigen kogo mbareegwa, at Tawun awuri nappiya wagagerak nogo Ala Aberiniki inoba age mbareegi, it kunduk, Ala nen yorage kagak yoraga negen a'nuk, inom aret yogo nogogwaarak.

1 Tamuwen 19:20 Cross References

Yowen 2:28

Ti eeppege logominggirik, yi aakumi ndi aakumi abok aret Naberiniki inoba wuppi woraagin o. Wuppi wage logominggirik, inapuri wologwe-komologwe yorage neegak, an ari nogo yoranet nugwi, Inogobamini inanggwok nen inabi kogwe, Inapuri wologwe tawe nen inabinggaanggo kogwe, Eeko logogun o.

Linggineegwaarak 24:2

Na'nage nagagerik, it aakumi Iterali mendek nogo inanebunu ndarak ndegek mban inawooliya wukko'net nogogwaarak iyareegerak. Togop iige wonage me, Ala Aberiniki nogo at Mbileyam oba ari wage mbareegi,

Yaya 7:32

Aakumi kuwak aago nen yagap wone paga Yetut abok mbanggwi it Pariti mendek konenggo nogogwaarik, it inom, it aap Ala unde inoweewi inom, nen Yetut pigaawok nduk, inawuri Ala awi wurik arum waka nogo nappiyareegwaarak.

1 Korindut 14:3

Ndi, it aap Ala wone yorogo menggaarak nogo nen perak, aakumi iniki kole eerogo piigwi, inaruk wakwi, iniki eyak wappiigwi, eeko menggaarak.

1 Tamuwen 19:11

Mbagangge mbareegi, ko'lu kuubondendok wariyak nduk, Ndawut nogo ame wonage kero, lomboppi nawak nduk, Tawun nen awuri nappiyareegerak lomboppi nogo mbareegwa, at Ndawut akwe Mikan nogo nen ogonggelo yoge, “Kat oonikiya yi paga mbaganumunggun lek kenok, ko'lu kuubondendok mondok koori woraagun o,” yoreegerak.

1 Tamuwen 19:14

Lenggembunuk wonage me, at Tawun nen Ndawut pigoorak nduk, awuri nappiyareegerak yori nogo mbareegwa, at kwe Mikan nogo nen, “At andi eekerak wonage o,” yoragagerak.

1 Tamuwen 19:19

Time ari nogogwaarak wonogwe me, aakumi nen Tawun yogo logonet, “Ndawut nogo o Arama korotok Nayot time wonage o,” yoreegwaarak.

1 Tamuwen 19:21

Yogwe nogo at Tawun yogo mbareegwa, at awuri ambinom nappiya wagagerak kwe, it nogo kunduk, Ala nen yorage kagak yoraga negen a'nuk, inom yogo mbareegwa, ti'nuk peebi, at awuri ne mbere paga nappiinok ambinom nappiya wagagerak nogo, togop mban aret Ala nen yorage kagak yoraga negen a'nuk, yogo nogogwaarak.