1 Tamuwen 19:16 - Ala Wone Peenok Peebi Mbanak

¹⁶ Yorage mbareegi, it nogo, nogo nogogwaarik, oome unggunuk, Ala obaane'me it ayuk wuko menggaarak ogut aago inom, kambin eeruwak anep mbanak nogo inom, at Ndawut nogo yege menggim nogome wonage kogogwaarak.

1 Tamuwen 19:16 Cross References

1 Tamuwen 19:13

Mbagangge kagak, at kwe Mikan nogo nen Ala obaane'me it ayuk wuko menggaarak ogut aago ambi waganogo at Ndawut nogo yege menggim nogome aret wimbege nagagerik, kambin eeruwak yonggologo anep mbambunuk, nogoyum waganogo lenggembereegerak.

1 Tamuwen 19:15

Yorage mbareegi, it iniyokan Tawun yori wogo mbareegwa, at Tawun nogo nen it yorage, “Kit nogo logomonggotik, at eebe wonage kenok, an nen warikit nduk, at eebe ndoonak nogo yege menggerak inom enaani aret piyaninuk woro o.”

1 Tamuwen 19:17

Kogo nogogwaarik, Tawun nogo yori wogo mbareegwa, at Tawun nen Mikan yoge, “Kat nen an nawim nogo mbaganuwak nduk, wumbege nagandik, kat nonggop nduk koone pilit kogoba an nambokan laganggendak o?” Yoge mbareegi, at kwe Mikan nogo nen at Tawun yoge, “At Ndawut nen ari logonet, An nen kat kooriyak, nomba'nuk, pippanogo agandik? Naakit nduk, teppanu o, yo'nege mbaki, aret wumbigirak o,” yoreegerak.