1 Tamuwen 18:23 - Ala Wone Peenok Peebi Mbanak

²³ Nappiyareegerak at Ndawut yori nogo mbareegwa, at Ndawut nen wone onggo yorage logonet, “Wone yi, aaninggin lek teeluk aret mba'nuk at endagembogut aru ariyak nombako logonet, yo'nogo ogotik? An aap neenggi lek nendage abu tebenak aret me, meek o.”

1 Tamuwen 18:23 Cross References

Wakkagagerak 29:20

Yoge mbareegi, Yakup nogo kolaga Araken woorak nduk, yabu eeke kagak, tahun 7 eereegerak kwe, kolaga ti lombok koloorak iniki pereneegerak me, tahun 7 eereegerak kwe, “We ne mande wonage agarik,” mbareegerak.

Wakkagagerak 34:12

kinawuluk awu inom, agalo-ogoba iniki tebenogo mande negen wo'niroorak mbakwi nogo inom, abok aret noba panugwi kiinok, ndak-ndak aret wokkiraakit nduk, kinawuluk ti mban wo'ninip o.”

Ndawi 119:141

An aap abu tebenak meek mendek aret kwe, Eeko logorak koone yugu nogo perak, An kobak eerogo mbo pegeelik o.

Kini Wuppiige 14:20

Aap ineenggi lek nogo aakumi abok nen ineebi inombako logonet, inom menggaarak nen kunduk, ineebi lombok inombako menggaarak kwe, Aap ineenggi warak nogo perak, inoreewi ambik aret wonogo menggaarak.

Kini Wuppiige 29:5

Aap ambi nen ore iniki laakot ombake logonet, oone paga mban yoge ti, at iyok aret nggelok yuwak nduk keele kwak eerogo pake menggerak.

1 Yaya 3:1

Nit at apuri abet aret wonogwe me, at Ala nen, “Kit an napuri aret o,” yo'nirage ti paga at ninogoba ninabuwa nggwok mondok alik negen mbake menggerak ti, kaanip o. It aakumi nggween paga mendek mban mugurok nogwe nogo nen aa'nduk Ala yelok kaga'lek wonogogwaarak kwak, yogondak at apuri nit kunduk yelok niiga'lek aret agaarik o.

1 Tamuwen 18:18

Yoreegerak kwe, at Ndawut nen Tawun yoge logonet, “An yi ta o? Ndi, nowe-nawot ti taani o? Aakumi Iterali inenggela'me nen an nogobamini kunduk ngge o? An aap abu meek aret me, nonggop togon aap kendagembogut karugelo ariyak nduk yo'negen o?”

1 Tamuwen 18:22

Yoreegerak kwe, “E,” yaga'lek kenok, awuri inom yabu eeko menggaarak wone yori nawak nduk, nappiige logonet, “Kit Ndawut wonage me nogo logomonggotik, alik me yogo logonet, Kat kowe endagembogut Tawun inom, awuri inom yabu eekwi nit inom, kat eerit nage paga ninikilom kombakoorak me, kat ninaru ariyak op aret, yorumunggup o,” yinuk, wone eerogo nappiyareegerak.

1 Tamuwen 18:24

Yorage mbareegi, at Tawun awuri inom yabu eeko menggaarak nogo nen Ndawut yereegerak nogo Tawun yori wogo mbareegwa, at Tawun nen Ndawut yori nawak nduk, wone ambinom yorage logonet, “Kat kowe endagembogut nen kolaga nogo awu puurak mbarulik o. Ata, at inom wim mbanak anini mbake nogo tayok yuwak nduk, it aap Pilitin mendek inayo ambiragap 100 kuli mbanogo niri woroorak kombakerak o,” yinuk, yori nawak nduk, nappiyareegerak.

1 Tamuwen 9:21

Yoge mbareegi, at Tawun nen, “An nanebunu nogo ti, Mbeniyamin mendek nogo lek a? Aakumi Iterali inanebunu alitik-alitak nggwok aret iigak, an nanebunu Mbeniyamin mendek ti, abu mbuuluk aret o. Ndi, nombomini ndarak kunduk, abu meek lombok tebenak aret me, wone yi nonggop nduk yo'negen o?”