1 Tamuwen 18:22 - Ala Wone Peenok Peebi Mbanak

²² Yoreegerak kwe, “E,” yaga'lek kenok, awuri inom yabu eeko menggaarak wone yori nawak nduk, nappiige logonet, “Kit Ndawut wonage me nogo logomonggotik, alik me yogo logonet, Kat kowe endagembogut Tawun inom, awuri inom yabu eekwi nit inom, kat eerit nage paga ninikilom kombakoorak me, kat ninaru ariyak op aret, yorumunggup o,” yinuk, wone eerogo nappiyareegerak.

1 Tamuwen 18:22 Cross References

Ndawi 55:21

Wam amburu anen pera aago menggi kwak, oone amburu ndik-ndik agan wage, Eeke menggerak kwe, Ogogumbuk anini ambik menggerak o. Inagabolo abe aruwak nduk, amburu eeko mengga kwak, Iniki nomonikit nduk oone yanggorogon agan wage kwe, At ari ti, Wooluwak engget mbup nggabenak kwak aret menggerak.

Kini Wuppiige 29:12

Aap aakumi inarum menggerak nen inoone pilit agan nugwi nogo liippege kenok, awuri inom eeko menggaarak abok aret ineraambe maluk ogo menggaarak.

1 Tamuwen 18:21

Mbake nagagerik, at Tawun nen iniki koongge logonet, “An napuluk Mikan nogo, pagi keele pugu kwak Ndawut yilinogo kolamenggerak paga it aap Pilitin mendek nen waruwak nduk, wogorikit aret,” mbake nagagerik, at Tawun nen Ndawut yoge logonet, “Aa'nduk naru ariyak yokkigirak nogo lek agaarak me, ne yogondak yi paga kat naru ariyak op aret o,” yinuk, yoreegerak.

1 Tamuwen 18:23

Nappiyareegerak at Ndawut yori nogo mbareegwa, at Ndawut nen wone onggo yorage logonet, “Wone yi, aaninggin lek teeluk aret mba'nuk at endagembogut aru ariyak nombako logonet, yo'nogo ogotik? An aap neenggi lek nendage abu tebenak aret me, meek o.”