1 Tamuwen 18:21 - Ala Wone Peenok Peebi Mbanak

²¹ Mbake nagagerik, at Tawun nen iniki koongge logonet, “An napuluk Mikan nogo, pagi keele pugu kwak Ndawut yilinogo kolamenggerak paga it aap Pilitin mendek nen waruwak nduk, wogorikit aret,” mbake nagagerik, at Tawun nen Ndawut yoge logonet, “Aa'nduk naru ariyak yokkigirak nogo lek agaarak me, ne yogondak yi paga kat naru ariyak op aret o,” yinuk, yoreegerak.

1 Tamuwen 18:21 Cross References

Ndawi 38:12

It nenggaawak lek eerogo paniyak mbakwi nen Keele pogo mengga kwak ee'nakwi, It maluk eeppaniyak mbakwi nogo nen, “Nonggop eerogo lek eeppuwok o,” yinuk, yogwe, O kubondendok nen nok oonikiya ari wage kagak, Nambokan laganuwok nduk, kote wone koonogo pugwi, Eeko agaarik o.

Wundeegwaarak 10:7

Wundi wogwe iigak, aap Pirawun awuri inom wone koongga nogo nen Pirawun yogwi, “Pagi wariyak keele pugu mengga kwak, ne mande paga aap yi nen keele yilunogo pinaninuk logogin o. O Metit yime abu maluk agaarak wonage yi, kenegen kaga'lek agandik ya? At Aliku inogoba Ala nogo alut eeri nawak nduk teppiyet o.”

Kini Wuppiige 29:5

Aap ambi nen ore iniki laakot ombake logonet, oone paga mban yoge ti, at iyok aret nggelok yuwak nduk keele kwak eerogo pake menggerak.

Yeremiya 5:26

It an napuri inenggela'me time aap maluk eeka mendek wonogwe me, Keele pugume towe ineenik ngge-ngge yiluninake menggi kwak aakumi yilunogo piigwi, Pagi wariyak ta'na pogo mengga kwak aakumi maluk eeppiigwi, Eeruwok nduk, Toriigo menggaarak.

Yeremiya 9:8

It inamili ti, wim komenggabili kwak wonage me, pilit mban agan nugu menggaarak. Inambe paga nen, Nimbirak niniki ambit o, agan nugu menggaarak kwe, inikime perak, Pagi wariyak ta'na pugu kwak, inoreewi maluk eeppiyoorak koonogo pogo menggaarak.

1 Tamuwen 18:17

Togop eeko mbareegwa, at Tawun iniki mbake logonet, “Ndawut ti, an neenggi paga nen warigin lek o. Ata, it aap Pilitin mendek nen aret waruwak,” mbake nagagerik, ne ambi paga at Tawun nen Ndawut yoge, “An napuluk kolaga manggu ndarak Merap nogo, kat kakwe kolaanok nduk, wokkirigin me, an nake wim wakaa'ngget a'nuk Aliku ALA awim ti mban nambuke logomunggun o.”

1 Tamuwen 18:22

Yoreegerak kwe, “E,” yaga'lek kenok, awuri inom yabu eeko menggaarak wone yori nawak nduk, nappiige logonet, “Kit Ndawut wonage me nogo logomonggotik, alik me yogo logonet, Kat kowe endagembogut Tawun inom, awuri inom yabu eekwi nit inom, kat eerit nage paga ninikilom kombakoorak me, kat ninaru ariyak op aret, yorumunggup o,” yinuk, wone eerogo nappiyareegerak.

1 Tamuwen 18:26

At Tawun wone yereegerak nogo, at awuri inom yabu eeko menggaarak nen Ndawut yori nogo mbareegwa, at Ndawut nen, “An nowe endagembogut aru ariyak op aret,” mbareegerak. Mbake nagagerik, kwe koloorak Tawun yereegerak nogo, eyom abu panggoni wage kagak,