1 Tamuwen 18:12 - Ala Wone Peenok Peebi Mbanak

¹² Ti eeke mbareegi, Tawun iniki mbake logonet, “At Aliku ALA nen an mbo paninuk, at Ndawut mban imbirak wonage kagi,” yinuk, agabiti mbareegerak.

1 Tamuwen 18:12 Cross References

2 Mbinineegwaarak 17:3

Aa'nduk at ombo Ndawut iyok pit nage nagagim nogome mban mugurok nage logonet, at kugi Mba'an mendek mugurok nage logolik ombo Ndawut ogoba Ala mban mugurok nage, Iterali eeko mengga kwak eeke logolik Ala nen, Yogop ee'nu ndogop ee'nu, yoge nogo mban eerit nage, eeke nagagerak me, at Aliku ALA imbirak aret wonagagerak.

Ndawi 51:11

Pekkoorak neebi o, yinuk, an mbo panege, Aberiniki wo'nereegindak nimbirak wonage nogo ndinggolage, Eeriyak mage o.

Ndawi 53:5

It aap Ala apuri inooriyak eekwi nogo Ala nen mbo piige mbaremenggi, It Ala apuri nen tebenogo piinet nugwi iigak, Ala nen inowak nggininogo nappit namenggerak inigen kaagun kwe, It maluk eeka nogo nen Ala apuri inagabiti aganaburak mendek eeppiiga'lek iigak, Ala apuri ti, nonggop nduk it paga inagabiti nen inamineeri ne agan nage agaarik o?

Oteya 9:12

It inapuri ndappiinok, tawe aganabemenggaarak kwe, inenggaawak lek eerogo piyaminggirak paga leenggu maako logowak nduk, eerogo piyaagin o. An mbo piinok, mbagangge neenok, it inabuwa o.

Matiyut 25:41

Yorage logominggirik, ti'nuk, it neenggi kwaare'nggan piyaminggirak nogo yorage logonet, Kit Ala nen pulunogo pinagareegerak yi, an mbi abu ee'nake me, mbi wo'nugwi, yi abu ee'nake me, yi too'niri nogwe, aap nggiru me, wo'nakwi, nayum yirik lek me, nayum yippanugwi, andi warak keele maarak me, pe'neya nogwe, ee'nako logolik me, yime nen wundi nogo logomonggotik, at Ibilit inom, at awuri apit inom, kani omoonuk wunuk mban ari menggim an nogoba nen ogobakkigirogo piyareegim nogome aret nanip o, yinuk, yoraagin o.

Lukat 8:37

Yorogo mbareegwa, it aakumi o Nggerata yi awi ndi awi time abok inagabiti abu alik lombok aganabeegerak me, Yetut iname nen wundi nawak nduk, yogo mbareegwa, at Yetut yiiro paga unggunuk, iyok paga wunda nagagerak.

Nappiigak 24:25

Ndi, at Pawulut nen obeelom eeko logorak wone inom, iniki nen eeriyak eeginake kwe, tebenogo puurak wone inom, peebi nen owak looninaburak wone nogo inom, yorage mbareegi, at Pelikit nogo agabiti age nagagerik, “Abu yogoorak me, nak o. Ne ambi paga yuurak nanonggwan age kenok, woraanok nduk kayonggo pege neyaamunggun o,” yinuk, yoreegerak.

Nappiigak 7:9

Nit ninombomini nen yogo logonet, Ninogoba nen ninawuluk Yutup mban obeelom eeppege yi, Nineebi a! yinuk, it Metit mendek inayeloman aruwak nduk, onggo nggerenggo mbareegwa, o Metit wonok nogogwaarak. Wonok nogo mbareegwa, o time Ala imbirak wonage me,

Owak Loongga 1:19

It aap Yekura nogo at Aliku ALA inarum wonage kagak, o nggelok-nggobok time ye mbanggologogwaarak kwe, it aakumi kobappaga time wonogogwaarak nogo perak, inanggweendo wim eeka mbuti mendek ogobakkigirik wonage me, mugogo wumbiyoorak meek aret agagerak.

Owak Loongga 16:20

Mbake nagagerik, at kwe nogo nen, “Timoton wae. It aap Pilitin mendek nen kat pikkaburak nduk wonogwe yi o.” Yoge mbareegi, at Timoton nogo, nogo yege me, eenik a'nuk, iniki nen mbake logonet, “An aa'nduk keele maa'nakwi iinok, nggonenogo mbo punuk, wundi nage minggirak togo'nogo aret eerigin o,” mbareegerak kwe, at Aliku ALA nen muk teppereegerak, eenggo'lek logonet, mbareegerak.

1 Tamuwen 16:18

Yorage mbareegi, at ayeloman ambi nen yoge logonet, “Aap Itayi o Mbe'lekem mendek apuluk ambi nggitat abu obeelom eeke menggerak eenu kagarak o. Aap ti, wim nambuka wakaa'ngget kalu-kalu menggerak aret me, eebe abu kigirikwe, wone liippunuk mbangge menggerak o. Ndi, at Aliku ALA imbirak wonage o,” yoreegerak.

1 Tamuwen 16:4

Yoge mbareegi, at Tamuwen nogo at Aliku ALA nen yoreegerak nogo ndak-ndak aret, o ti eyom paga o kota Mbe'lekem wambi nage mbareegi, it aap o kota wonogwe inoweewi nogo nen inaganak nugiranet Tamuwen inom lambumbunuk, at yogwi, “Ninogoba wae. Kat yime op eeppinaniyak nduk wagan a?”

1 Tamuwen 18:15

At Ndawut a'me nggelok mban eerit nage nogo at Tawun enegen kage nagagerik, agabiti ambik mbake nagagerak kwe,

1 Tamuwen 18:20

Wogoge mbareegi, Tawun apuluk kolaga Mikan nogo, Ndawut iniki pereneegerak me, Tawun yogo mbareegwa, at Tawun nen, “Koloorak op aret o,” mbareegerak.

1 Tamuwen 18:29

at Tawun nogo Ndawut paga abunuk agabiti mbake logonet, imbirak ogoorak mban kagak, kambuurak kuli aret ari nagagerak.

1 Tamuwen 22:13

Yoge mbareegi, Tawun nen at yoge, “An tebenogo panubagip nduk, at Itayi aput kimbirak kiniki ambit a'nuk, oroti inom, paloowi inom, wogoge, at ake Ala yoge, eekendak ti paga nimbirak eeke logorak eebi mba'nuk, o yogondak noorikit nduk, enaarak wonage ti, nonggop nduk, eekendak o.”

1 Tamuwen 28:15

Ngginnage mbareegi, at Tamuwen nen Tawun yoge logonet, “Kat nonggop nduk, Keebe kin aru, yinuk, wii'nege logonet, piya'nake agandik?” Yoge mbareegi, at Tawun nen Tamuwen yoge logonet, “Ala nen an mbo panege mbaki, aakumi Pilitin mendek ninom wim nambukwi paga an niniki ma'nagagerak wonage logonet, it aap Ala nen yorage kagak yoraga paga inom, nabi paga inom, yo'niruwak nduk, yogitak kwe, yo'nega'lek mban kenok, nogoba kat nen an eeriyak yo'nenok nduk, wiigigirak o.”

1 Tamuwen 3:19

Ndi, Tamuwen nogo tawe age kagak Aliku ALA imbirak wonagagerak me, Ala nen yi wone ndi wone yegetak nogo mbo puulik li'luk aret eeke nagagerak.