1 Tamuwen 18:1 - Ala Wone Peenok Peebi Mbanak

¹ At Ndawut nogo Tawun imbirak wone abu aret mbanggo mbareegwa, Yonatan nen at iniki kunik eekkolage menggi kwak, Ndawut nogo togop aret iniki kunik eeke nagagerik, imbirak iniki ambit aret eekkologogwaarak.

1 Tamuwen 18:1 Cross References

Wakkagagerak 44:30

Togop aret yo'niragaarak me, ninogoba o. Wulaga ninom lek an noreewi ninom ninalik mban kayeloman ninogoba wonage me ka nogwe niinok, at iniki panggonak aput yi aret me,

2 Tamuwen 1:26

Kat noreeluk Yonatan wae. Kat noreeluk niniki abu kunik wonagandak o. Kumi iniki kunik mbakwi ti, mbuuluk negen kwe, Kat nimbirak nogo ti, Niniki kunik nggwok togon wonogoorak me, niniki wakkolagi o.

1 Mbinineegwaarak 12:17

at Ndawut iya wungge nagagerik, it yorage logonet, “Kit yeenggwa niruwok nduk, kiniki abu abe paga an neya wogwe kiinok, niyo'me ari woroorak op aret kwe, an maluk ambi eeka'lek kagak nggaganagalo negen eekkoloorak nduk, wogotak kenok perak, ninogoba Ala eenu aret me, at aret onggo eeppinagage kaamunggup o.”

Ndawi 86:11

Nogoba o. An eerit nage logonet, Kat abet mban ari menggendak wone an ndak-ndak eerit nage logokit nduk, Kat eerit nage nogo an mamunnege, Nogoba o, yinuk, kayuk wuke logokit nen niniki mbere lek ambiret eerogo panege, Eeru o.

Kini Wuppiige 18:24

Aap ambi oreewi ambik wonogwe kwe, ambi oba age kenok perak, mbo punuk mbaganggo menggaarak. Ndi, aap ambi owe-awot iniki mbuuluk kunik eeginake menggerak kwe, At ambi perak, oreewi iniki mondok kundugu lombok aganake menggerak.

Pelaareegerak 13:6

Ndi, ne ambi paga kinore ambi ilik, kinapuri wologwe-komologwe a, kinakuwi kiniki kunik ilik, kinore kimbirak kiniki kunik a, it nen inoone mbawok paga kinikime manako logonet, Kit inom, kinombomini inom, ineenggo'lek mendek

Kolote 2:2

Kit abok kiniki ambit a'nuk, niniki-kiniki kunik eekkologo logonet, Ala wone kote kumaarak wonagagerak nogo ti, Keritut aret me, at eebe liirogon kineenu ogo logomonggotik, “Peebi ndogop eeppinanigin o,” yinuk, yugu nogo abok aret kineenu me, kinagabiti nen kiniki yungguppegak eeka'lek kiniki ale'nggen lombok logobagip nduk, kinake eeke minggirak.

Owak Loongga 20:11

Yogo nogogwaarik, aakumi Iterali nogo iniki ambit eeppunuk, aakumi kota Nggibeya wonogwe ti, inooriyak nduk, eereegwaarak.

1 Tamuwen 14:45

Yoge mbareegi, it aakumi nogo apit nen Tawun yogo logonet, “At Yonatan nen aakumi Iterali mondok iya tit ninagap ndakerak nogo ti, meek mba'nuk, Yonatan wariyak yagan ya? Ala nen yeenggwaage kagak, ne yogondak yi paga eekerak me, at Yonatan eeruwak ambiriluk ambi nggween paga wambuurak mondok lek o, yinuk, Aliku ALA eenik menggerak endage kumbunuk, yokkogo o.” Yoreegwaarak ti paga Yonatan warulik ili eerogo teppereegwaarak.

1 Tamuwen 18:3

Teppereegerak imbirak wonage me, at Yonatan nogo nen at iniki kunik eekkolage menggi kwak, Ndawut nogo togop aret iniki kunik eeke logonet, “Kat an nimbirak niniki-kiniki kunik logowok o,” yinuk, wone mondok abuk nggaruk togon kumbuk mbanogo pereegwaarak.

1 Tamuwen 19:1

At Tawun aput Yonatan inom, awuri inom yabu eeko menggaarak nogo inom, abok aret nen Ndawut mondok warogo puwak nduk, Tawun nen yoragagerak kwe, at Tawun aput Yonatan perak, Ndawut iniki kunik lombok wonagagerak me,

1 Tamuwen 19:2

Ndawut kurumbi yoge logonet, “An nogoba Tawun nen kat kooriyak nduk, wakkanet nege me liippu o.” Yoge nagagerik, “Kat ko'lu kuubondendok o nobarak me nogome kumaa'nari nanuk, wonage me,

1 Tamuwen 20:17

Wone kumbuk mbanogo pereegwaarak nogo ti, at Yonatan iniki kunik eekkolage menggi kwak, at Ndawut iniki kunik wonage menggerak me, alom ti paga at Yonatan nen Ndawut ne ambinom kumbuk mbanuwak nduk, yoreegerak ti aret.

1 Tamuwen 20:8

Togop aret me, Aliku ALA enggaanom paga an kayeloman nimbirak wone koonogo pogoorak me, an maluk ambi eekirak noba wonage kenok, wo'neren kogoba wonage me, pani noorak lek o. Ata, nabuwa mba'nuk, kat nen aret noorogo panumunggun o.”

1 Tamuwen 22:8

Alom ti paga kit abok aret kiniki ambit eeppunuk, an tebenogo paniyak nduk, eekwi nogo lek a? An naput Yonatan nen Itayi aput imbirak wone nggaruk togon kumbuk mbanggwi, ndi, yogondak Ndawut enaarak wonage nogo ti, an naput nen, Nogoba warenok nduk, enaarak logot o, yinuk, an lombok nayeloman inikime pege, eekerak nogo, an nabuwa nen yo'niriyak op aret kwe, yo'nega'lek ti, nonggop nduk, ogotik?”

1 Tamuwen 23:18

Yoge nagagerik, at Ndawut imbirak at Aliku ALA enggaanom paga wone abuk nggaruk togon kumbuk mbanggo nogogwaarik, at Ndawut o Korep time wonage kagak, Yonatan nogo ame aret wagagerak.