1 Tamuwen 17:55 - Ala Wone Peenok Peebi Mbanak

⁵⁵ At Ndawut nogo nen aap Pilitin mendek imbirak wim namburiyak nduk nage at Tawun enegen kage nagagerik, at Tawun awuri ineegin warak inowe Abenet nogo yoge logonet, “Abenet wae. At wulaga tawe ti, ta aput?” Yoge mbareegi, Abenet nen yoge logonet, “Nowe kendagembogut kat aret keegak, an pilit yokkiriyak meek me, an neenggo'lek o.”

1 Tamuwen 17:55 Cross References

Wakkagagerak 42:15

Kit nggaganagalo wogotak kiyaamun a, lek a? yinuk, kinabut mbanikit nduk, aap o Metit mendek endagembogut Pirawun endage paga owak mbanogo wone ambi yokkira o. Kit kinawuluk peebi mendek nogo wa naga'lek kiigak, kit kiname namunggup lek o.

1 Tamuwen 1:26

kwe Kana nogo nen Eli yogo logonet, “Nogoba o. Kwe ambi aa'nduk yime mi'ndak logonet, Aliku ALA yoge kenegen kagagindak nogo ti, keenik keegak aret eeke neyareegindak me, an aret abet nombaru o.

1 Tamuwen 14:50

Ndi, at akwe ti, aap Akimaat aput endage Akinowam aret. Tawun awuri ineegin warak inowe ti, Tawun ogobaluk Net aput Abenet aret.

1 Tamuwen 16:12

Yoge mbareegi, at Itayi nogo nen aap ambi apuluk wa nawak nduk, nappereegerak wonok wage mbareegi, etenggen teretak eebe abu kigirikwe mondok yelok abe wonage mbareegi, at Aliku ALA nen Tamuwen yoge, “An miikkirak nogo yi aret me, mi'na'nuk, amburu oba kilippu o.”

1 Tamuwen 17:54

Ndi, at Ndawut nogo aap Pilitin mendek anobak mbanak wonok, o Yerutalem punuk, at Pilitin mendek obaloowi inom, awooluwak inom, nogo perak, wonok at awooliyana lombok nogome pereegerak.

1 Tamuwen 17:56

Yoge mbareegi, at Tawun nen, “Wulaga tawe ti, Ta aput? yoranet nak o.” yoreegerak.

1 Tamuwen 17:58

Owagam pi wage mbareegi, at Tawun nen Ndawut yoge, “Wulaga yi wae. Kat ta apuluk?” Yoge mbareegi, at Ndawut nen onggo yoge logonet, “At kayeloman Itayi o Mbe'lekem mendek nogo aput an aret o,” yinuk, yoreegerak.

1 Tamuwen 26:5

Yori nogo mbareegwa, at Ndawut nogo Tawun awuri inom inawooliya wuppunuk wonogwe me, enegen wu'nari wage nagagerik, at Tawun inom, aap Tawun awuri ineegin warak inowe aap Net aput Abenet nogo inom, ooliya oolo wurik me time windak iigak, it aap ineegin warak nogo, inawooliya endekem yendok-wandok wurik me wonogwe iyareegerak.