1 Tamuwen 17:46 - Ala Wone Peenok Peebi Mbanak

⁴⁶ Ne yi eyom paga at Aliku ALA nen keebe waganogo an neenggime wo'nege yi aret me, koorogo paganuk, kanobak mbanogo wagangge logonet, kawuri ineegin warak Pilitin mendek abok aret kinom towe wiga agan nugu menggaarak inom, nggwiya eyonggaame menggaarak inom, kineebe kinoorak nawak nduk, wogoraagin o. Ti eeriminggirak paga aakumi o nggween paga yime menggaarak abok nen, Aakumi Iterali inogoba Ala wonage aret kogo o, yinuk, ineenu arugun.

1 Tamuwen 17:46 Cross References

Wakkagagerak 40:19

Ne kenagan logonuk, aap endagembogut Pirawun nogo nen kenggaanok mbanogo keebe waganogo eyo paga mippagamenggaarak me, yirowe-ndirowe nen kenggaanggum nenok ndi yuurak nogo aret kagandak o,” yinuk, yoreegerak.

2 Tamuwen 18:28

Ari kagak, at Akimaat nogo nen oone nggwok paga aap endagembogut yoge logonet, “Nogoba wa!” yinuk, at owagam wage nagagerik, endobanggun yindumbunuk, ena nggween paga wuragik logonet yoge, “Kat nowe kendagembogut kooriyak koonggaarak nogo, at Aliku kogoba Ala nen waganogo keenggime pagi wagaarak me, endage tiyappege logot o!”

2 Tamuwen 21:10

Anggen iyaalok mbanggwi paga nen nok, age yubuni nogwe paga mayu mbogut paga nen lubu-lubu wambit wage menggim kuli, aap Aya apuluk kwe Iritapa nogo nen karun waganogo puut aap inoorak me taati yugum tabak paga ndoombatinuk, o liingge paga towe wiga agan aap nogo ineebe paga ninggiri wogwe, ndi, oonikiya paga nggwiya eyonggaame nen aap inoorak me wogwe, eekwi iyo, kwe nogo nen inarum aret wonagagerak.

1 Endagembogut 8:43

kat wonage menggenom mbogut paga wonage logonet, oone karuk konembunuk, yokkege nogo aret eeppege logomunggun o. Togop aret eeppege keenok, it kapuri aakumi Iterali nen kendage tiyanak kenok, kayuk wukwi nogo ineenu ogwe, ndi, an o wukirak yi, Ala awi wurik aret o, yinuk, ineenu ogwe, eekwi nogo ndak-ndak, yi aakumi ndi aakumi o nggween paga wonogwe yi abok aret ineenu ogo logogun o.

2 Endagembogut 19:19

Kaliku ninogoba Ala kat perak, yi aakumi ndi aakumi inabu'me piigo menggam o nggween paga wonogwe yi, abok aret Ala kalik aret wonage ineenu aruwak nduk, Kaliku ALA nen aap ti, eenggime nen ninagap ndaru o, nogoba,” yinuk, tamban eereegerak.

2 Endagembogut 5:15

Age nagagerik, aap Naman inom nogogwaarak nogo, Naman inom aap Ala wone liirogon eeka nogo ka wogo nogogwaarik, Elita enaame taati logonet, “O nggween paga yime abok Ala wonage lek Iterali inenggela'me mban wonage nogo o yogondak yi paga neenu agarak me, an kayeloman nale'nggen nen wokkege yi, kolet o.”

Ndawi 31:8

Kat nen neebe waganogo Ninom wim mbanak ineenggime panulik O tini nggwok obeelom me niyok yarogo panegendak o.

Ndawi 46:10

Togop me, at Ala nen ari logonet, “An Ala aret kineenu arubagip nduk, Kinabulok lek puk logonip o. Yi aakumi ndi aakumi inenggela'me nendage tiyak ari, O nggween paga yime nendage nggwok age, Eerigin o,” Yinuk, yereegerak o.

Wundeegwaarak 9:16

an nomaawi inom, nendage inom, yi aakumi ndi aakumi o nggween paga yime wonogwe nogo abok aret ineenu arit nogo logowak nduk, at eenik teppege agarik o.

Yetaya 37:20

Kaliku ninogoba Ala kat perak, yi aakumi ndi aakumi inabu'me piigo menggam o nggween paga wonogwe yi, abok aret Ala kalik aret wonage ineenu aruwak nduk, Kaliku ALA nen aap ti, eenggime nen ninagap ndaru o, nogoba,” yinuk, tamban eereegerak.

Yetaya 52:10

Aliku ALA nen yi aakumi ndi aakumi inenggaanom paga at eenggi abu omaawi alik leenak tiyappunuk wonage kenok, Aakumi o nggween irip-irip wonogwe abok aret ninogoba Ala ninagap ndari wage inigen kaagun o.

Yetaya 56:9

Kit ndiimbu-nggwiya karume monggotak abok aret yi wae. Wa'nip o! Kit ndiimbu-nggwiya eyonggaame wonogwe yi wae. Na woraanip o!

Yeremiya 19:7

O yime nen it Yekura mendek inom, Yerutalem mendek inom, iniki, Yogop eeruwok, koonogo pemenggaarak nogo lek eerogo piige, it inawim mendek nen wooluwak paga inooruwak nduk, inili yaga'lek mbo piige, it inooruwok mbarit nugwi nogo ineenggime piige, eeke neenok, inooremenggaarak ineebe yi towe ndi towe wiga agan nugwi inom, ndiimbu-nggwiya nggween paga nugwi nogo inom, inambi-inambiingga kwak nawak nduk, eerogo piyaagin o.

Yeremiya 34:20

it inom wim mbanak nen inooriyak mbakwi nogo ineenggime piyaagin o. Piige neenok, inooremenggaarak ineebe ti, yi towe ndi towe wiga agan nega inom, ndiimbu-nggwiya nggween paga nega inom, inambi-inambiingga aret arugun o.

Ndaniyen 2:47

Yorage mbareegi, at aap endagembogut nogo nen at Ndaniyen yoge logonet, “Wone nobarak yi, kin paga yo'negendak ti paga kat kogoba Ala ti, yi kugi ndi kugi tebenak iigak, at abu tiyanak lombok wonage, it aap inendagembogut inowe aret wonage, eeke logonet, wone abu nobarak mendek kin paga yorage menggerak ti abet aret kagi o,” yinuk, yoreegerak.

Ndaniyen 3:29

It aap Tarerak, Metak, Abe'nego inogoba Ala nen it inagap ndakerak kwak kugi nen ambi togop eeriyak meek me, aap ambiriluk ambi kit yi aakumi ndi aakumi kinenggela'me nen, kinanebunu lombok kinenggela'me nen, kinoone alitak yogo monggotak kinenggela'me nen, it inogoba Ala ti, meek eerogo pugwi iinok, ineebe mondok nibik-nobak eerogo piigwi, inawi wurik minogo nappugwi, eeriyak o, yinuk, an Nebukanetat nogo nen aret wone yi lengganogo wumbigi o,” yinuk, yoragagerak.

Matiyut 24:28

Wam pili agaatak wonage me nogome aret towe enggaanggum nengga ninggiko menggaarak o,” yinuk, yoragagerak.

Pelaareegerak 28:26

Ndi, kineebe kinoorak kambak ti, yirowe-ndirowe wiga agan nugu menggaarak inom, nggwiya endekem mendek inom, it inambi age logomenggerik, nibinogo nunggwi me, aap ambi nen teerogo nappiyaagin lek aret o.

Pelaareegerak 7:2

kineenggime pinagage kenok, kit nen tebenogo piinet nogo logonet, Ninom yogop aret eeko logowok o, yinuk, kinom wone koonogo pugwi, ambi abuwa nen teppugwi, eeriyak mondok mage o. Ata, ineebe abok aret inenggaawak lek eerogo piyaamunggup o.

Pelaareegerak 7:23

Ata, at Aliku kinogoba Ala nen aakumi ti, kineenggime wokkiramenggerak ugun naga'nuk kobak aago nugu logonet, ineebe lek eekko'net nogo logogun o.

Yotuwa 10:8

at Aliku ALA nen Yotuwa yoge logonet, “It ineebe paga kagabiti mbarugun o. An nen muk kineenggime pinagagirak me, it nen ko wappunuk logogun lek o.”

1 Tamuwen 14:6

At Yonatan imbirak puut ti paga ari nanuk, aap tawe eegin wonok nega nogo yoge, “Aliku ALA nen aakumi mbereeluk kenok, Aaninggin o, yinuk, mbo piigeelik mbereeluk aago inom, apit aago inom, ndak-ndak aret yeenggwaarage menggerak me, ninom a'nuk, it aap inagabolo mbana'lek Pilitin mendek tum wako menggam wonogwe me time nawok nduk, omok o.”

1 Tamuwen 17:44

Pulunogo pege nagagerik, Ndawut nogo wone ambinom yoge logonet, “Kat nimbirak wakkaawok nduk mbet panggo yi omok nda! Kat kenggaanggum ti, towe wiga agan nugu menggaarak inom, nggwiya karume nugu menggaarak mendek inom, nawak nduk, wogoraakit nen, kat an nowagam ya'i panggo yi omok o.”