1 Tamuwen 17:40 - Ala Wone Peenok Peebi Mbanak

⁴⁰ Nggoorogo pege nagagerik, owaanggun ndomba ndegeninake menggerak nogo wagangge, yugum anggen eraabin tu aago niyoome mendek 5 kuli waganogo ndomba ndegeninake logonet wonok nega ayumogina nogome yonggoke, yugum nggelembunuk, nombok-kombok eerogo nappuurak keele nogo eenggime wagangge, eeke nagagerik, aap Pilitin mendek wonage me nagagerak.

1 Tamuwen 17:40 Cross References

Owak Loongga 20:16

Aap wim nambuka ineebe kwi'nogogwaarak inenggela'me aap ineenggi kwaarek yugum keele paga nggelembunuk, nombok-kombok eerogo aakumi ineeruwak ambiriluk mbanak pugunik ineenggi tobo warogo nappogo nogogwaarak ineebe tujuh ratus aret leenak wonogogwaarak.

Owak Loongga 3:31

Eeke mbareegi, aap Ekut obaane'me aap Anat apuluk endage Tamagat nogo mi'nagagerak. Mi'nage nagagerik, eyo tapi teerage menggerak mendek nogo paga aap Pilitin mendek ineebe enam ratus inooreegerak. Ti inooreegerak paga at kunduk aakumi Iterali mendek inagap ndarogo piyareegerak.

1 Tamuwen 17:39

at Ndawut nogo nen Tawun obaloowi yonggolak nogo yum wim nambuka yirippereegerak nogo paga nggerenggolage nagagerik, tu noorak nduk wakkagagerak kwe, togop eerak negeelik me, at Ndawut nen Tawun yoge logonet, “An yi mendek yirikeelik me, yi paga yirippunuk, noorak meek o.” Yoge nagagerik, nggoorogo pereegerak.

1 Tamuwen 17:41

Nage mbareegi, aap Pilitin mendek nogo nen at anggeemu wonok nage menggerak nogo aa'nduk eeppunuk, Ndawut owagam panggo yi wage nagagerik,