1 Tamuwen 17:38 - Ala Wone Peenok Peebi Mbanak

³⁸ Yoge nagagerik, Ndawut nogo wim eeri nawak nduk, at Tawun nen wim nambuke logonet, yirike menggerak ayum nogo yirippege, arin mbuti paga yarak nogo yirippege, abetagi mbuti tembaga paga ogobakkigirik nogo yirippege, eeke mbareegi,

1 Tamuwen 17:38 Cross References

Yeremiya 46:4

It aap kuda paga nugu logonet wim eeka ti, Kwi'nagak kuda inamborowak paga keele maappunuk, kwi'nogwe, Wim eeriyak nduk, inawooluwak engget kenenggwi, Inabetagi omaawi mendek yikkologwe, inombaambile yikkologwe, Eeppunuk, Inawuri inom wim wundi nawam lombok nawak o.

1 Tamuwen 17:37

At Aliku ALA nen singa inom, beruang inom, ineenggabit paga nen nibinnake kero, nagap ndakerak ndak-ndak, yogondak at aap Pilitin mendek eenggime nen togop aret ndinogo nagap ndarigin o.” Yoge mbareegi, at Tawun nen Ndawut yoge logonet, “Op aret o. At Aliku ALA kimbirak aret nak o,” yinuk, yoreegerak.

1 Tamuwen 17:39

at Ndawut nogo nen Tawun obaloowi yonggolak nogo yum wim nambuka yirippereegerak nogo paga nggerenggolage nagagerik, tu noorak nduk wakkagagerak kwe, togop eerak negeelik me, at Ndawut nen Tawun yoge logonet, “An yi mendek yirikeelik me, yi paga yirippunuk, noorak meek o.” Yoge nagagerik, nggoorogo pereegerak.

1 Tamuwen 18:4

Kumbuk mbambunuk, at Yonatan nen ayum nggorek nogo nggoorogo at Ndawut wogoge nagagerik, ayum wim nambuke logonet yirike menggerak nogo inom, awooluwak inom, eegin-omaale inom, agabee'le inom, apit aret at mban wogoreegerak.