1 Tamuwen 17:35 - Ala Wone Peenok Peebi Mbanak

³⁵ an nen muguren nage nagarik, wake logonet, ndomba nogo singa ambeme nen ndingge neegak, singa nogo nen an nooriyak eeke mbaki, ondogowak paga eeruwak neenggi pippunuk, warogo pigirak o.

1 Tamuwen 17:35 Cross References

2 Tamuwen 23:20

Ndi, aap Yoyara aput Mbenaya awi Kabeten ti, aap wim wakaa'ngget lombok mondok iya eerit nage nagagerak. Eerit nage logonet, aap Mowap mendek wim wakaa'ngget lombok ineebe mbere inoorogo piige, ne ambi ndugu-ndugu nggalo-nggalo wangge logonet, o apit eerogo pereegerak kagak, at mbuun ambena wangge nagagerik, singa warogo pege,

Ndawi 91:13

Togop eerumunggun me, Singa inom, waalo muuru inom, tebenogo piigak nage, Singa anini ambik inom, waalo aakumi inooka inom, Kiyok aan lebenogo piinet nage, Eeke logomunggun o.

Ndaniyen 6:22

yoge nagagerik, “Nogoba Ala nen an maluk ambi eeka'lek ugun wonage neege, ndi, kat nogoba kendagembogut kenggaanom paga kunduk, an maluk eeka'lek wonage neege, eeke nagaarik, singa inambe narogo puwak nduk, malayikat nogo ambi nappi wagaarak inambe narogo piigerak me, ineyak nibinnaka'lek an ugun agarik o.”

Amot 3:12

Aliku ALA nen ari logonet, “Singa nen ndomba wappunuk nengge logonet, iyok a, aruk a, ti mban yumbunogo mbo pegetak me, At aap ndomba ndegeninaka nogo kwaakkage menggi kwak, It Iterali mendek o Tamariya wonogwe nogo togop aret inagap ndarogo piige neenok, Nogo yegak lit yarak mban kologwe, Inanobak anep mbanak mban waganggwi, eerugun, yegerak me, yagi o,” yinuk, yoragagirak.

1 Tamuwen 17:34

Yoreegerak kwe, Ndawut nen Tawun yoge logonet, “An kayeloman yi, nogoba aanggumi kambin-ndomba ndegeninake logonet, nggeewo anini warak singa inom, anini warak beruang inom, wogo nagaarik, nandomba inenggela'me nen ambi ineyak nggereninuk wunggwi me,

1 Tamuwen 17:36

Kayeloman an nen singa inom, beruang inom, imbirak inookirak ti ndak-ndak, aap agabolo mbana'lek Pilitin mendek yi, at eenik menggerak Ala awuri ineegin warak miyuk-meya eerogo piige me, an togop aret warigin o.