1 Tamuwen 17:32 - Ala Wone Peenok Peebi Mbanak

³² Wiige mbareegi, Ndawut nogo wage nagagerik, Tawun yoge, “Nit Iterali mendek nen aap Pilitin mendek ti, eebe paga niniki ma'nariyak lek o. An kayeloman nen aap ti, nimbirak nambukkola naakit o.”

1 Tamuwen 17:32 Cross References

Ndawi 3:6

Togop me, Aakumi ineenggi linggininaburak meek aago Neeben peenok-peenok wanggeppaninuk wonogwe kwe, It paga nagabiti mbake lek o.

Yetaya 35:4

It iniki waanggo mban-mban wonogwe nogo yorage logonet, “It nen aaninggin kinoba pinagagwi nogo, kinogoba Ala nen anini wuk togon onggo eeppiige logonet, Kinagap ndari woraagin me, Kinagabiti mbaka'lek kinogogumbuk logonip o,” yinuk, yorogo logomunggup o.

Yetaya 7:4

Kinom lambumbunuk wone yoriyak nogo yi aret. Kani arowa mbere ka'luk ndi wuke kwak aap Eretin awuri aap Aram mendek inom, aap Eremaliya aput nogo inom, inanini mbakwi paga agabiti nen iniki lek-lek eeke ti mage o. Ata, iniki nu'lek eeppunuk ogogumbuk logowak o.

Linggineegwaarak 13:30

Yogwi nogo it aakumi konenggo nogogwaarik, iniki piirik wonogwe nogo tayok yuwak nduk, at Kalep nen Muta enggaanom paga yorage logonet, “Nit nen it ndak aret tebenogo piinok, ninanggween unde eekkola unggugun aret me, nawok aret o.”

Linggineegwaarak 14:9

Togop aret me, kit nen at Aliku ALA kineebi-kineeba yogwi, it aakumi time wonogwe nogo paga kinagabiti mbakwi, eerugup o. It inagugi inomaawi wogorogo menggaarak nogo teppiinok mbaganggwi iigak, nit perak, Aliku ALA ninarum wonage kagak, aakumi ti, ninambeme yonggorinabugun me, it ineebe paga kinagabiti mbarugup o,” yinuk, yorogogwaarak.

Iberani 12:12

Togop me, kinaganak nuk-nuk kirage logonet, kineenggi-kiniyok ndeyak eekkinake nogo kinomaawi eekkologo logomonggotik,

Yotuwa 14:12

Nomaawi wonage aret me, ne ti eyom paga at Aliku ALA nen, Puut nggelok-nggobok me time, Wokkirigin o, yinuk, abuk nggaruk togon yo'nereegerak nogo aret wo'niru o. Wo'nege keenok, o ti paga aakumi Enak mendek wonogwe, inawi kota-kota nggwok lombok pak wurik wonage, yogwe nogo kat togon karuk koneneegindak kwe kagak, at Aliku ALA nen yeenggwa nege kagak, yereegerak nogo ndak-ndak aakumi ti, tebenogo piyaagin o,” yinuk, yoreegerak.

1 Tamuwen 14:6

At Yonatan imbirak puut ti paga ari nanuk, aap tawe eegin wonok nega nogo yoge, “Aliku ALA nen aakumi mbereeluk kenok, Aaninggin o, yinuk, mbo piigeelik mbereeluk aago inom, apit aago inom, ndak-ndak aret yeenggwaarage menggerak me, ninom a'nuk, it aap inagabolo mbana'lek Pilitin mendek tum wako menggam wonogwe me time nawok nduk, omok o.”

1 Tamuwen 16:18

Yorage mbareegi, at ayeloman ambi nen yoge logonet, “Aap Itayi o Mbe'lekem mendek apuluk ambi nggitat abu obeelom eeke menggerak eenu kagarak o. Aap ti, wim nambuka wakaa'ngget kalu-kalu menggerak aret me, eebe abu kigirikwe, wone liippunuk mbangge menggerak o. Ndi, at Aliku ALA imbirak wonage o,” yoreegerak.

1 Tamuwen 17:31

It aakumi nen Ndawut oone wungge nogo konenggo nogogwaarik, at Tawun nogo yori nogo mbareegwa, woraawak nduk, wiireegerak.