1 Tamuwen 17:16 - Ala Wone Peenok Peebi Mbanak

¹⁶ At Nggoliyat nogo kuuben inom, kiyoma inom, it Iterali nen inigen kaawak nduk, kin agak eeke logonet, miyuk-meya eerogo piige kagak, nogo 40 yereegwaarak.

1 Tamuwen 17:16 Cross References

Matiyut 4:2

Nagagerak wonage logonet, nogo 40 yege kagak, liingge-kii'me mbi nengga'lek wonagagerak me, mbi abu eereegerak.

Lukat 4:2

Wonok nagagerak time wonage me, Ibilit nen at abut mbanit nage kagak, nogo 40 yereegerak. Abut mbanit nage kagak, Yetut mbi mondok nengga'lek aret nogo 40 yereegerak me, mbi abu eereegerak.

1 Tamuwen 17:15

at Ndawut nogo ogoba aanggumi ndomba ndegeninake logowak nduk, ogoba Tawun wonage me nen, o Mbe'lekem nagak eeke nagagerak.

1 Tamuwen 17:17

Ne ambi paga Itayi nen aput Ndawut yoge logonet, “Kat koweewi nogo ti, aap Iterali mendek abok aret Tawun inom o Ela kobappaga time aap Pilitin mendek inom wim nambukwi wonogwe me, gandum anggen worarak aaninggin 10 wakkagak eerak yi wagangge, ndi, oroti worarak 10 yi wagangge, eeke logomenggendik, kowewologwe inawooliyana wonogwe nogo wogorage, ndi, yilak amburu longgo warak 10 kuli yi, it ineegin warak ineebe seribu inowe nogo wogoge, eeke logomenggendik, it kowewologwe ineebe op aret wonogwe ilik? Kin wogiige logomenggendik, Ndogop wonogwe o, yogwe iinok, wone wonok yo'niri woraanok nduk, mbet-mbet nak o,” yinuk, yoreegerak.