1 Tamuwen 17:13 - Ala Wone Peenok Peebi Mbanak

^13-14 Aap Itayi apuri inaa'nduk ndarak ineebe kenagan nogo at Tawun inom wim eeri nogo nogogwaarak. Eeri nogo nogogwaarak nogo ti, manggu ndarak Eliyap. Ndi, ambo'me ndarak Abinarap. Ndi, ambo'me ndarak Tiyama. Ndi, enabooluk ndarak endage Ndawut. At apuri kenagan aa'nduk ndarak nogo, Tawun inom wim eeri nogwe iigak,

1 Tamuwen 17:13 Cross References

2 Tamuwen 13:3

Eerak wonage me, Ndawut oweeluk Timeya aput Yonarap, Amonon oreeluk nogo, iniki ngget abok li'lak eenu me,

2 Tamuwen 13:32

Inayum nibinogo patinuk wonogwe me, at Ndawut oweeluk Timeya aput Yonarap nogo nen yoge logonet, “Nogoba wae. Kapuri nogo abok aret inookaarak mbarugun o. Ata, at Amonon nen kolaga Tamat Abatalom awuluk nogo, eebi mbake kagak maluk eeppereegerak paga at Abatalom nen, Warikit o, agan nege nagaarak me, at mban aret warogo pegerak o.

2 Tamuwen 21:21

it aakumi Iterali mendek miyuk-meya eeginake mbareegi, aap Ndawut ogobaluk Timeya aput Yonatan nen aap nogo warogo pege, eereegwaarak.

1 Mbinineegwaarak 2:13

At Itayi nen aput manggu Eliyap ndake, at ambo'me Abinarap, at ambo'me Timeya,

1 Tamuwen 17:28

Yogo mbareegwa, at Ndawut it aap ineegin unde inom wone mbangge nogo at oweeluk Eliyap konengge nagagerik, anini ambik a'nuk, Ndawut mberege logonet, “Kat nonggop nduk yime wagandak? Kaanggumi kambin-ndomba mbereret karume wonogwe nogo ta unde wake kagak wagandak? Kat kiniki maluk kagak, an iya mbakak nege menggendak nogo an neenu me, Wim nambukwi nonggop iyaamun? yinuk, wagandak keegi o.”