1 Tamuwen 16:22 - Ala Wone Peenok Peebi Mbanak

²² Eerogo pege nagagerik, at Tawun nen Itayi yori nawak nduk, wone agago nappege logonet, “At Ndawut yi, an ninikilom aret me, nimbirak logonet, nake eeke logorak, Op aret, yo'niru o,” yinuk, eerogo nappereegerak.

1 Tamuwen 16:22 Cross References

Wakkagagerak 30:27

Yoge mbareegi, at Laban nen ari logonet, “Kat nimbirak wonogwe paga at Aliku ALA ale'nggen noba panege logonet, ena koonogo wo'nege neenu me, kat nabuwa mba'nuk ninom ya'i logowok o, namboko!

Wakkagagerak 39:4

iniki ale'nggen mbake logonet, at eebe ndegenit nege, ndi, at ame inom, amindik-amendek inom, abok aret arum wonage, eeke logowak nduk, mippereegerak.

Ndawi 131:1

Kaliku ALA wae. An niniki wogoppake, Nenegen tebenak lek tiyanak lombok nege, Yi wone ndi wone nggwok mendek an koonit nage, Yi eekak ndi eekak iya mendek eeriyak mbake, Eekeelik o.

Ndaniyen 1:5

Tahun kenagan paga abu aret mamuninake logomenggendik, it ineebe an nake eeko logowak nduk, wogoren piya woroorak me, it mamunggwi iigak, ko'lu-kii'me inambi noorak inom, inagi anggur amburu noorak inom, abok aret an napuri ninom nonggo monggoorak nogo mendek nonggo logowak nduk koonogo piige logogin o,” yinuk, yoreegerak.

Pelaareegerak 1:38

at yeenggwa kege menggerak Nun aput Yotuwa nogo nen perak, aakumi Iterali o time unde eeppatinuk logowak nduk, wogoren unggwi nagin me, kini wuppege logot o.

1 Tamuwen 16:21

Nappi wagagerak Tawun owagam wage nagagerik, ayeloman a'nuk, ake eeke kagak, Tawun nen Ndawut iniki mondok kunik eeke nagagerik, at eegin wonok nega nogo mendek eerogo pereegerak.

1 Tamuwen 16:23

Ndi, at Ala nen kugi maluk mendek Tawun piyakkagak eeke logowak nduk, nappi wagak eeke nagagerak nogo, piyakkagak eeke kenok, at Ndawut nen anggitat nogo waganogo eeke kagak, kugi nogo tayo ari nagagerak. Tayo ari kagak, at Tawun iniki yanggo yinuk, ugun obeelom aret wonagagerak.