1 Tamuwen 15:7 - Ala Wone Peenok Peebi Mbanak

⁷ Wundi nogo mbareegwa, at Tawun awuri inom nen it aakumi Amalek mendek inom wim perenggologo logonet, o Kawila nen inoorit nok o Tiyut pa'nggwe nen oonegen wundi wage menggim o Metit kuli piya nogogwaarak.

1 Tamuwen 15:7 Cross References

Wakkagagerak 16:7

Kole mbaganit niyo eneeri wungge menggim o Tut nogo menggam tu paga karume time ari wagagerak wonage me, at Aliku ALA ayonggo malayikat ka wage nagagerik,

Wakkagagerak 2:11

Niyo elaganggen aa'nduk kinogo nappereegerak endage Pitom aret. Niyo Pitom nogo o Kawila pa'nggwe time abok aret aanunggut yelok-nggolok nage menggerak. Ndi, nage menggim o Kawila nogome mbuti emas wonage.

Wakkagagerak 25:18

at ombomini kambunuk nogogwam nggwogoba wonogwe me nogome iya nagagerak. Ndi, at apuri wiganak nogo perak, o Atiyut nogo menggam o Kawila iru nakkagak, o Tiyut ogwe nakkagak, oonegen lagi wage menggim pa'nggwe o Metit koorok kagak, oolo time aret ye mbanggologogwaarak. Nogome wonogo logonet, inoreewi ando inom lambungga'lek it inalik eenggi mbanak ogoorak aret wonogogwaarak.

1 Mbinineegwaarak 1:23

Opit, Kawila, Yobap, ndaganabeegerak. At Yokatan nen apuri ndaganabeegerak nogo ti aret.

1 Mbinineegwaarak 4:43

ineebe lek eerogo piinok, o time ye mbambatinuk, o yogondak kuli wonogwe aret o.

Ayup 21:30

Yorogwe kiinok, it maluk eeka aaninggin inoba age kagak woppakwi, Ala anini eeppiige kagak inagap ndakkologwe, Eeko menggaarak, yokkiraagun obak!

Wundeegwaarak 15:22

At Muta nen aakumi Iterali mendek nogo niyo nggwok Yenggenak Laut Merah paga nen o Tiyut karume time wogoren wage kagak, ne kenagan paga niyo nengga'lek aret

Wone Alom Kibingga 8:13

it aap maluk mendek nogo ti, Ala eebe paga inagabiti mbakulik me, it obeelom eerogo piige, ndi, inagalu'mak kwak it ndarak abu nggorek eerogo piige, eerigin lek aret o.

1 Tamuwen 14:48

Tawun nogo ogogumbuk wakaa'ngget a'nuk, it aap Amalek mendek tebenogo piige, ndi, it aakumi nen Iterali inamendek ndinggola wagak mban eeko logonet, tebenogo piigwi nogo ineenggime nen inagap ndarogo piige, eereegerak.

1 Tamuwen 27:8

It aakumi Nggetut mendek inom, Nggiriti mendek inom, Amalek mendek inom, it aap inanebunu ti mendek ti, maan o Tiyut kuli nen nok-nok, o Metit kuli inawi nenaarogo wuppatinuk wonogwe nogo, at Ndawut awuri inom inawi paga kwi'nari unggunuk, ineebe inoorogo piinet nogo nagaatik, inamendek ndinggologo nogogwaarak.

1 Tamuwen 30:1

Nogo mbere yegak at Ndawut awuri inom o Tikalak nogwe iigak, it aap Amalek mendek a'nggan wogonaka nen o karume nggwok nenaarak o ame pa'nggwe inom, o Tikalak inom, oonda mbanogo inooko logonet, o Tikalak tebenogo piinok, inawi kani mbelanogo piyareegwaarak.