1 Tamuwen 15:16 - Ala Wone Peenok Peebi Mbanak

¹⁶ Yoge nogo at Tamuwen konengge nagagerik, Tawun yoge logonet, “Koone puk aru! Oonikiya paga at Aliku ALA wone yo'negerak nogo yokkiri o.” Yoge mbareegi, “Yu o,” yoreegerak.

1 Tamuwen 15:16 Cross References

1 Endagembogut 14:6

Yoreegerak wonage me, aap Akiya nen kwe nogo, iyok oone agan awo tungga paga ungguurak nduk eeke konengge nagagerik, kwe nogo yoge, “Yerobeyam akwe yi wae. Kat nonggop nduk, kwe alik negen eeppatinuk wagan o? Mbet unggwi omok o!” Yoreegerak unggwi wage mbareegi, yoge logonet, “Wone aaninggin mendek yoru, yo'negerak kenok, an yokkiri o.

1 Endagembogut 22:16

Yoge mbareegi, aap endagembogut Akap nen Mika nogo yoge, “Kat ari nogo pilit lek abet aret yigi, mbarikit nen ne mande Aliku ALA endage paga wone kumbuk mbanogo yo'nege logonok nduk, yokkiri?”

Yetaya 39:5

Yoge mbareegi, at Yetaya nen Kitikiya yoge, “At Omaawi Lombok Menggerak Aliku ALA ari nogo karuk logot o.

Yeremiya 34:6

Yoge mbareegi, Ala yoge kagak yoraga at Yeremiya nen wone ti abok aret wonok aakumi Yekura inowe endagembogut Terekiya nogo o Yerutalem wonage me, yori nagagerak.

1 Tamuwen 12:7

Togop aret me, kit inom, kinombomini inom, at Aliku ALA nen yokkiragagerak nogo a'me nggelok obeelom eeppinagage nagagerak nogo, lik togon yokkiraakit nduk, kit Aliku ALA enggaanom paga yime mi'nari woraanip o.”

1 Tamuwen 15:15

Yoge mbareegi, Tawun nen onggo yoge logonet, “An nawuri nen it Amalek mendek inaanggumi ndomba inom, tapi inom, abu obeelom kero, at Aliku kogoba Ala ake warogo wogoriyak nduk, ineenik wogonako logonet, ineebe apit aret mondok lek eerogo piigaarak o.”

1 Tamuwen 15:17

Yoge mbareegi, Tamuwen nen yoge logonet, “An aap abu meek o, mbake keegak, aakumi Iterali inanebunu lombok inowe agagindak nogo lek a? Togop mbake keegak kwe, at Aliku ALA nen aakumi Iterali inowe kendagembogut logonok nduk, kat aret leenogo pagage mbareegi, amburu eeppagareegwaarak o.

1 Tamuwen 9:27

o kota wundi nawak nduk, eeko logonet, Tamuwen nen Tawun yoge, “Ala nen yegerak nogo yokkirikit nduk, ya'i puk age keegak, kayeloman nage logowak nduk, yoru o,” yoreegerak.