1 Tamuwen 15:13 - Ala Wone Peenok Peebi Mbanak

¹³ Yoreegerak at Tamuwen nogo Tawun imbirak lambuni nage mbareegi, at Tawun nen Tamuwen yoge, “At Aliku ALA nen, Togop eeru, yo'negerak nogo ndak-ndak aret eekirak me, at Aliku ALA ale'nggen koba logowak o.”

1 Tamuwen 15:13 Cross References

Wakkagagerak 14:19

ale'nggen Abaram oba pege logonet, “At mbogut-nggween wakkagagerak Agi Tiyanak Lombok Menggerak Ala nogo nen ale'nggen koba pagage logowak o,”

Wakkagagerak 3:12

Yoge mbareegi, at aap nogo nen, “Kwe nimbirak logowak nduk wo'negendak nogo nen eyoonggen nogo mbanogo wo'nege mbaki, ninggirak o.”

2 Tamuwen 2:5

it aap Yabeti mendek yora nawak nduk, wone eerogo nappege logonet, “Kit kinogoba Tawun nogo abuwa mba'nuk, at eebe nggween taambogotak me, at Aliku ALA nen ale'nggen kinoba pinagage logogin o.

Kini Wuppiige 27:2

Kat nen aret kendage tiyappatiyak ti mage o. Ata, aap alik nen kendage tiyappagawak o. Aap kat keenggo'lek mendek kunduk, wogoppagarak ti op aret kwe, kat koone agan nege logonet, wogoppatiyak ti mage o.

Kini Wuppiige 28:13

Aap ambi nen omaluk kumaappatogo wonage paga at obeelom eekkolaga'lek aret wonage menggerak kwe, Aap ambi, “Maluk neebi o,” yinuk, paganogo mbo pege kenok perak, Ala abuwa nen teppege menggerak.

Kini Wuppiige 30:13

It aap ando inapuri nen, “Nit iya,” mba'nuk inigen tiyanak nugu logonet, aakumi laakot inombarit nugwi,

Kini Wuppiige 31:31

At eenggi omaawi paga ee'nuk wage kenok, onggo wogogwi, Ndi, o kota tu unggwogo menggam nen at eerit nage paga endage tiyak yuwak nduk, teppugwi, Eeko logonip o.

Lukat 17:10

Ndi, ti kenok, ti ndak-ndak kit wone, Yogop ee'nu, ndogop ee'nu, yokkirage nogo abu eeppogo logomonggotik, Lek o. Nit aap inayeloman mban ogoorik o. Ninaburen eerulik o. Ata, yo'niragaarak kenok mban eekoorak yogo logorak op o,” yinuk, yoragagerak.

Lukat 18:11

Imbirak Ala awi wurik me unggwi nogo nogogwaarik, aap Pariti nogo nen mi'na'nuk, tamban eekkolage logonet, Ai, nogoba Ala! It aakumi yogoot wagangga inom, maluk eeka inom, mbabi eeka inom, ndi, aap o unde inake wu kuwak eeka yi nogo inom, an togop kwak lek me, wa yokkege agarik o.

Owak Loongga 17:2

At nen at agalo yoge logonet, “Nagalo o. Wu mbuti perak aaninggin 13, Aakumi nen waganggaarak o, yinuk, kugi pulunogo piige keegirak nogo ti, an aret waganggirak porogo wonage agarik o.” Yoge mbareegi, agalo nogo nen, “Naagaluk o. At Aliku ALA nen ale'nggen koba pagage logogin o.”

Urut 3:10

Yoge mbareegi, at yoge logonet, “Nayinggeloo. At Aliku ALA nen ale'nggen koba pagage logogin o. Kat nen aap tawe ineenggi warak inom, ineenggi lek inom, kwaarinabit noolik an aret neya wagandak me, aa'nduk neya wagandak nogo ti, nabuwa mbuuluk negen nombakendak kwe, o yogondak yi paga perak, nabuwa nggwok lombok nomba'nuk, wagandak keegi o.

1 Tamuwen 13:10

Awo kungge nagagerik, wonage me, Tamuwen nogo nage mbareegi, at Tawun nen keyage wappikit nduk ka wage me,

1 Tamuwen 15:11

“At Tawun nogo, Yogop eeke logot o, yogirak nogo, eeka'lek an mbo paninuk, alik eekerak paga, At endagembogut logorak nanonduk mippigirak o? yinuk, niniki wakkolage agarik o.” Yoge mbareegi, at Tamuwen nogo iniki puru ari logonet, oonikiya oone nggwok paga Aliku ALA yoge kagak, o aret weereegerak.

1 Tamuwen 15:20

Yoge mbareegi, at Tawun ari logonet, “Aliku ALA nen, Eeriyak, yo'negerak nogo ndak-ndak aret eekirak o. Eeke logonet, it aakumi Amalek mendek abok aret inoorogo piinok, aap Amalek inowe endagembogut Agak nogo perak, pigagangge nagarik, wonok wagarak o.

1 Tamuwen 15:9

Piigo nogogwaarik, aap Amalek inowe endagembogut Agak nogo eenik teppugwi, tapi-ndomba abe mendek inom, inaagalogwe piirigalo mendek inom, “Yi abeme, inooriyak lek o,” yinuk, ineenik teppiigo logonet, mbi inikime waka'lek ineebenowak ko aago kenok, tigitogon aret inookwi, eereegwaarak.

1 Tamuwen 23:21

Yogo mbareegwa, at Tawun nen it yorage logonet, “Kit nabuwa nombakotak me, at Aliku ALA ale'nggen kinoba pinagage logowak o.

1 Tamuwen 25:14

Aap Naban nen Ndawut awuri wone yoragagerak nogo Ndawut yori wogwe iigak, Naban ayeloman ambi nen Naban akwe Abigayin nogo yoge logonet, “At Ndawut karume logonet, ninogoba, Wa, yoruwak nduk, awuri nappiya wagaarak kwe, at ninogoba nen miyuk-meya eerogo piige kagarak o.