1 Tamuwen 14:46 - Ala Wone Peenok Peebi Mbanak

⁴⁶ Ndi, at Tawun awuri inom nen it aakumi Pilitin mendek nogo ambinom muguren noolik iniyokan iname wogwe iigak, it Pilitin nogo kunduk, iname menggam nogogwaarak.

1 Tamuwen 14:46 Cross References

1 Tamuwen 14:45

Yoge mbareegi, it aakumi nogo apit nen Tawun yogo logonet, “At Yonatan nen aakumi Iterali mondok iya tit ninagap ndakerak nogo ti, meek mba'nuk, Yonatan wariyak yagan ya? Ala nen yeenggwaage kagak, ne yogondak yi paga eekerak me, at Yonatan eeruwak ambiriluk ambi nggween paga wambuurak mondok lek o, yinuk, Aliku ALA eenik menggerak endage kumbunuk, yokkogo o.” Yoreegwaarak ti paga Yonatan warulik ili eerogo teppereegwaarak.

1 Tamuwen 14:47

At Tawun nogo it Iterali inowe endagembogut a'nuk logonet, Iterali inawim yi o ndi o abok aret tebenogo piyareegerak nogo ti, aap Mowap mendek inom, Amon mendek inom, Erom mendek inom, o Toba mendek inoweewi inendagembogut inom, aap Pilitin mendek inom, abok aret inoorit nage nagagerak. Yi o ndi o inoorit nage logonet, awim tebenogo piinok, at eegin mondok tiyanak aret wonagagerak.

1 Tamuwen 17:1

Ne ambi paga it aap Pilitin mendek nen wim namburuwok nduk, inawuri ineegin warak, Kuwak ee'nip o, yinuk, yoragagerak aap Yekura inanggween o Toko paga kuwak eeri wogo nogogwaarik, o Toko yime pa'nggwe, ndi, o Ateka aru pa'nggwe, kagak, oolo o Epet-Ndamim taati inawooliya wukkologogwaarak.