1 Tamuwen 14:34 - Ala Wone Peenok Peebi Mbanak

³⁴ Yoragagerak nappi wogo mbareegwa, ambinom yorage logonet, “At Aliku ALA aret maluk eerogo pukwak, it aakumi abok aret, Enggaanggum amiya ti ari kagak, noorak mage o. Ata, inalitik-inalitak tapi inom, ndomba inom, wonok yime warogo punuk, larogo nonggo logowok o, yinuk, yoranet nanip o.” Yoragagerak nogo yoranet nogo mbareegwa, aakumi nogo abok aret tapi kugun waganeegwaarak nogo oonikiya ti eyom paga aret wonok wogo nogogwaarik, taati aret warogo pereegwaarak.

1 Tamuwen 14:34 Cross References

Wakkagagerak 9:4

Wokkiragarak kwe, ineenik eeke menggerak alom ti, inamiya aret me, yi mendek ndi mendek amiya wungga'lek kagak warak kenok perak, noorak mage o.

1 Tamuwen 14:33

Nonggo nogogwaarik, aap ambi nen Tawun yoge, “Nogoba wae. It aakumi nen enggaanggum amiya ti ari kagak nunggwi yi, at Aliku ALA aret maluk eeppugwi yi, iyet o.” Yoge mbareegi, at Tawun nen it yorage logonet, “Kit wone taganogo kiniki yunggup melak eekwi yi, yugum kole ambi mbet-mbet lagak-mbagak agago nappi woraanip o.”

1 Tamuwen 14:35

Wako mbareegwa, at Tawun nen Aliku ALA ake warogo wogogak yuurak nduk, ogobakkigirogo pereegerak. At Tawun nen Aliku ALA ake warogo wogogak yuurak nduk, iyaalok lombok ogobakkigireegerak nogo ti aret.