1 Tamuwen 14:25 - Ala Wone Peenok Peebi Mbanak

²⁵ Inowak lobak ari kagak, it apit aret eyonggaame ari nogo nogogwaarik, nggiin amburu nggween paga wonage inigen kogogwaarak.

1 Tamuwen 14:25 Cross References

Wundeegwaarak 3:8

Yeenggwaarage logonet, an napuri nogo aakumi Metit mendek ineenggime nen ndininabunuk, wogoren it aakumi Kanan mendek inom, Ket mendek inom, Amori mendek inom, Perit mendek inom, Kewi mendek inom, Yebut mendek inom, inanggween nggwok mili obeelom lombok yilak amburu inom, nggiin amburu inom, niyo eneeri negen kila-kila wungge menggim time piya naakit nduk wagi o.

Kini Wuppiige 25:16

Kat nggiin amburu wagangge kenok, ambik namenggendak paga pe wurukwak me, we mbuuluk mban nenggak eeke logot o.

Linggineegwaarak 13:27

Titik irogo nogogwaarik, it nen wone mbininogo Muta yogo logonet, “O time kinigen pekka nanip o, yo'niragandak nogo abok aret ninigen yomboonggo nogoorik, nggween abu amburu warak me, nggiin amburu inom, yilak amburu inom, niyo eneeri negen kila-kila wungge menggim abu iya lombok kogoorak me, anggen yugu eebe kenegen kaanok nduk wonok wogoorak yi ket o.

Pelaareegerak 9:28

Liippiinok, kapuri yi, lek eerogo piyaamunggun keenok, it aakumi o kat wo'niren wundi wagaginom nogome nen yogo logonet, At Aliku ALA nen aakumi Iterali mendek o wogoroorak koonogo pereegim nogome wogoren piya noorak meek age, ndi, eebi inombake, eeke nagaarik, o karume time inenggaawak lek eerogo inoorogo piyaakit nduk, wogoren wundi nagaarak kogo o, yogo logokwak me, inoorogo piyaagun o, nogoba.

Owak Loongga 14:9

Kage nagagerik, nggiin ta'mbanak nogo eenggime waganogo nenet agalo-ogoba inowagam iya nage nagagerik, nggiin ta'mbanak eegu nogo agalo-ogoba wogoragagerak nunggugwaarak kwe, “Nggeewo singa warak paga nggiin kunik me waganggirak o,” yinuk, agalo-ogoba yoroolik puk agagerak.

1 Tamuwen 14:24

Wim namburuwok nduk, awo eekwi iigak, at Tawun nen awuri yorage logonet, “It ninawim nen eeppinanggwi nogo, onggo nini tayongga'lek niigak, nit ambi nen oonegen awo kilu yi naga'lek kagak mbi nunggwi niinok, pulunik aret logogun o, yinuk, wone abuk nggaruk togon kumbuk mbanuwok o.” Yorage mbareegi, kumbuk mbaneegwaarak me, at awuri nogo ne ti eyom paga mbi nengga'lek muguren mban nogwe iigak, inowak abu lobak yereegwaarak.

1 Tamuwen 14:26

Eyonggaame nggiin amburu nggalo-nggalo wangge inigen kogogwaarak kwe, at Tawun nen kumbuk mbanuwak nduk, yoragagerak nogo inagabiti nen nggiin amburu nogo ambiriluk ambi ineenggi paga tamunogo noolik mbo pereegwaarak kagak,