1 Tamuwen 14:14 - Ala Wone Peenok Peebi Mbanak

¹⁴ At Yonatan at eegin wonok nega imbirak nen aa'nduk inooreegwaarak nogo ti, aap ambi awuri inom yabu ne ambit wonet ambe kuli pi nogo mengga kwak ti ndak-ndak, aap ineebe 20 nggween ambit me taati aret inoorogo piyareegwaarak.

1 Tamuwen 14:14 Cross References

2 Tamuwen 17:9

O yogondak yi paga Ndawut nogo, ndoome ambime ilik, o alik me a, kumaarak wonage mbaki o. Kumaarak wonage me, kwaarit nugwi kiinok, at nen nggigik togon wundi wage logonet, kat kawuri inooke kenok, aakumi nen wone ti, inaruk konenggo logomenggaarik, yogo logonet, Aakumi Abatalom awuri inom nagaarak nogo, at Ndawut wungge logonet, mondok iya lombok inoorogo piinet nagaarak o, yinuk, yoranet nogo logogun o.

Owak Loongga 15:15

Ma'nage mbareegi, keledai eegwak nenenak ngget mendek taati wonage kage nagagerik, eenggime woppunuk, aap ineebe seribu aret inoorogo piyareegerak.

Owak Loongga 9:54

Telak ari mbareegi, at Abimelek nogo nen aap at awooluwak wonok nege nogo yoge logonet, “Aakumi nen, Abimelek nogo kwe nen waki o, yukwak me, kat nen mbet-mbet aret nooru o.” Yoge mbareegi, awooluwak nogo paga ndanuk togon warogo pereegerak aret kambeegerak.

1 Tamuwen 14:13

Yoge nagagerik, at Yonatan eegin wonok nega imbirak yigeebu me ineenggi iniyok paga yabegak-ndabegak agi laganggo nogogwaarik, at Yonatan nen mbuti wooluwak paga aap Pilitin mendek inoorit nage, ndi, wulaga at eegin wonok nega nogo ambokan nen mondok miin aret inoorogo piinet nage, eereegwaarak.

1 Tamuwen 14:15

Ti inooreegwaarak paga it aakumi Pilitin mendek nogo kogo nogogwaarik, inawooliyana wonogwe inom, ineyabume wonogwe inom, it tum wakwi wonogwe inom, it aakumi inamendek ndingga nogo inom, abok aret inaganak warit nage, nggween inom nuk-nuk eeke, eereegerak. Ti eereegerak nogo ti, Ala nen aret eereegerak.