1 Tamuwen 14:1 - Ala Wone Peenok Peebi Mbanak

¹ Ne ambi paga at Yonatan nen wulaga tawe at eegin wonok nega nogo yoge, “It aap Pilitin mendek enebaga tum wakwi me wunda nawok nduk, omok o.” Yoge nagagerik, ogoba yo'nuk lek aret wunda nagagerak.

1 Tamuwen 14:1 Cross References

Mika 7:5

Aap aput wulaga nen ogoba meek eerogo pege, Apuluk kolaga nen mi'nage logonet, agalo imbirak ogookkologwe, Enggelo nen enggelo imbirak ogookkologwe, Aap ambi inom wim mbanak ti, owe-awot aret wonogwe, Eerugun me, Kinom monggotak kiniki inoba panggombugwi, “Ninore aret o,” yinuk, it inoba panggonak wonogwe, Eeriyak mage o. Ndi, kwe ambi kinaawi paga windak aruk konengge kero, kinoone yogwe nogo liippogo logonip o.

Owak Loongga 14:6

at Aliku ALA Aberiniki omaawi oba age kagak, kambin aagaluk ineenggi paga nibinik-ndelenak eerogo wako mengga kwak, at we eenggi paga singa nogo nibinik-ndelenak eerogo warogo pereegerak. Eerogo pege nagagerik, “Yogop eekirak o,” yinuk, agalo-ogoba yoroolik puk a'nuk,

Owak Loongga 14:9

Kage nagagerik, nggiin ta'mbanak nogo eenggime waganogo nenet agalo-ogoba inowagam iya nage nagagerik, nggiin ta'mbanak eegu nogo agalo-ogoba wogoragagerak nunggugwaarak kwe, “Nggeewo singa warak paga nggiin kunik me waganggirak o,” yinuk, agalo-ogoba yoroolik puk agagerak.

Owak Loongga 6:27

Yoge mbareegi, Nggireyon nen ayeloman ineebe 10 wogoren Aliku ALA nen at yoreegerak nogo ndak-ndak eeriyak nduk, nogogwaarak kwe, at owe-awot inom, aap o time mendek inom, inenggaanom paga eeriyak agabiti nen, liingge paga eerulik, ata, oonikiya paga aret eereegerak.

1 Tamuwen 13:2

Eeppunuk, at Tawun nen aakumi Iterali inenggela'me nen aap ineebe tiga ribu leeninake nagagerik, ineebe dua ribu kuli, at inom o Mbeten puut nggelok-nggobok me inom, o Mikamat inom, nogome wonogwe, ndi, it ineebe seribu ti, aput Yonatan inom aap Mbeniyamin wonogo menggam o Nggibeya nogome nogwe, eekwi iigak, it aakumi eegu nogo iname lombok nappiyareegerak.

1 Tamuwen 13:22

Togop aret me, wim nambukwi ti eyom paga mbuti wooluwak inom, mbuti maale inom, Tawun awuri inom wonogwe nogo, ineenggime lek iigak kwe, Tawun aput Yonatan imbirak mban ineenggime porogo wonogogwaarak.

1 Tamuwen 13:23

Porogo wonogwe iigak, it Iterali mendek wogwe iyo, it Pilitin mendek puut o Mikamat aanenggen me time tum wako nogogwaarak.

1 Tamuwen 14:2

Ne ti eyom paga at Tawun nogo o Nggibeya irip me o Migoron eyo wuli abu'me kwi'ndak wonage me, aap ineebe lambunik enam ratus negen aret inom wonogogwaarak.

1 Tamuwen 25:19

ayeloman yorage logonet, “An mukkiren kinambo'me woraakit nen kit kinaa'nduk wonok nogo logonip o,” yinuk, yoragagerak wogwe iigak, ogonggelo Naban yoga'lek logonet, inambokan aret wagagerak.