1 Tamuwen 12:5 - Ala Wone Peenok Peebi Mbanak

⁵ Yogo mbareegwa, at Tamuwen nen yorage logonet, “Kat maluk ambi eeppinanege logulik o, yinuk, at Aliku ALA enggaanom paga inom, aap leenogo amburu kilippogotak enggaanom paga inom, yo'nogotak ineenu me, it imbirak nen kinenggali wappinagago logonet yokkirogo logogun o.” Yorage mbareegi, it nen yogo logonet, “E o. Yogoorak nogo at Aliku ALA nen liippinanegerak me, at nen mban yo'nirage logowak o,” yinuk, yoreegwaarak.

1 Tamuwen 12:5 Cross References

Wakkagagerak 31:50

Ti'nuk, Laban wone ando kunogo ari logonet, “Aap ambi nimbirak wonage lek me, yinuk, an napurilogwe yi, maluk eerogo piige, an napurilogwe iigak, kumi alik ambi wogonake, eeke keenok, an kunduk, kat kunduk, Ala enegen wo'ninake kagak aret eerumunggun o.”

Ayup 16:19

O yogondak aret an ee'nake nogo, At enegen abe nen kenok yokkiroorak ti, mbogut paga wonage o. An naana'le mbaniyak ti, agi tiyarogon time wonage o.

Ayup 42:7

At Aliku ALA nen wone ti abu aret Ayup yoge nagagerik, aap Teman mendek Elipat nogo yoge logonet, “An nayeloman Ayup nen nabok abe pagangge menggi kwak, kit togop yuulik me, kat inom, koreewi mbere inom, nanini kinombake agarik o.

Ndawi 17:3

“Noone paga nen maluk ambi eerigin lek o,” yinuk, wone nggaruk togon koonggirak me, Kat nen niniki kwaake, Oonikiya liippanit unggwage, An nabut liirogon mbangge, Eeremenggendak kwe, An maluk eekirak ambi lek aret kaamunggun o.

Wundeegwaarak 22:4

Ndi, lembu a, keledai a, kiraaremenggerak nogo eenik wonage me, kwaakkogwe iinok perak, at ambiret kiraaremenggerak kwe, obaane'me aanggumi mbere aret wogoruwak o.

Yaya 18:38

Yoge mbareegi, at Pilatut nen, “Ala ndogop menggerak o, mban agan nege ti, nano wone agan nege o?” yinuk, yoreegerak. At Pilatut nen wone ti, yo'nuk, aap Yakuri mendek endekem iya wungge nagagerik, yorage logonet, “Wologwe! Aap yi, maluk ambi abu eerulik aret kagi o.

Nappiigak 23:9

Ogooppunuk, inoone yimbu-lambu yogo nogogwaarik, it Pariti mendek liiru mbanak unde ando nogo nen, mi'na'nuk yorogo logonet, “At yi, maluk ambiriluk ambi eerulik aret kogo o. Aakumi inogoma ambi nen yogerak paga ari agaarik ilik, malayikat ambi nen yogerak paga ari agaarik a?” yinuk, awone nggwok wareegwaarak.

Nappiigak 24:16

Togop me, Ala inom, aakumi inom, inenggaanom an ambi eeppiyaminggirak paga niniki penggenneegak eeke logokwak liippunuk eeke minggirak o.

Nappiigak 24:20

Yi wone ndi wone yoragarak paga lek o. Ata, it apit inenggaanom paga, Nit kambunuk nineenik agago mi'nariyak ti, niniki lunik kenok, nawone amburu mbanuwok nduk wogwe kiigi o, yinuk, wone mbuuluk ti aret noone panggok togon yoragarak paga wo'neren wagaarak ti neenu kwe, ambinom eeke neegaarak kero, it nen mban paganogo yokkiruwak o,” yoreegerak.

1 Korindut 4:4

An eerit mban nage logonet, maluk eekirak ambi niniki aberak wonage lek kwe, ambi wonage kagak, “Obeelom mban eeke minggirak,” yukwak, noone yaga'lek puk wonage me, at nowe nen mban liippaninuk, yo'nirigin o.

2 Korindut 1:12

Nit eerit nogo logonet, liippunuk eerit nogo monggoorak kwe, kit kinenggela'me logonet perak, mondok iya lombok eeko nogogurak nogo, abeko logonet, it aakumi nggween paga mendek iniki koombunuk agan nugwi kwak agan nugwi, kinamendek kolaawok nduk, wone eegu nobat yokkirogwe, ti eeko logolik o. Ata, Ala niniki kunik nen omaawi eeppinanege kagak, mondok abet kenok mban kenom paganogo yokkirogo nogogurak nogo mban abe'nage kenok, “Op eekoorak me, ia!” yinuk, niniki ale'nggen mbako ogoorik o.

1 Tamuwen 12:4

Yorage mbareegi, it aakumi nogo nen wone onggo at yogo logonet, “Abu lek o, ninogoba. Kat nen wi-wi eeppinanege, tebenogo pinanege logonet, koone omaawi yo'nirage, ninamendek ugun wagangge, togop abu eeke logolik o.”

1 Tamuwen 26:9

Yoreegerak kwe, at Ndawut nen ari logonet, “At Aliku ALA nen leenogo piige kenok amburu eeppiigaatak aap ambi nen wake kenok, aaninggin oba arigin lek ti lek, arigin aret me, wariyak mage o.