Biblia Todo Logo
Online Bible

- Advertisements -




1 Tamuwen 12:24 - Ala Wone Peenok Peebi Mbanak

24 kit nen Aliku ALA kinagabiti mbako logonet, kiniki-kineebe abok aret Aliku ALA wogo'nuk, at mban kulinik-kalinik liirogon mugurok nogwe, ndi, at nen yi eekak ndi eekak kit kinake iya tit eeppinagage nagagerak nogo abekwi, eeko logonip o.

See the chapter Copy




1 Tamuwen 12:24
17 Cross References  

Ata, kinom wim mbanak ineenggime nen ndingginaburak nogo ti, Naliku kinogoba Ala an aret me, nalik mban nalut eeko logonip o,” yinuk, yoragagerak.


Aakumi yorage logonet, Kiniki warak ti, kinogoba Ala kinagabiti mbakwi, Yi wone ndi wone yelok kaga nogo ti, maluk kenok ogole nen mbaganggwi, Eeriyak ti aret o, Yinuk, yereegerak o,” yoragagerak.


Aap iniki warak mamunggolaawok nduk eekwi nogo ti, Aliku ALA inagabiti mbakwi ti aret. Ndi, aap abok aret at wone lengganogo yorage nogo, Mugurok nogwe iinok, Yi wone ndi wone abok ineenu eeppiige menggerak. Togop me, ninoone puk aga'lek mondok-mondok at tiyappogo logowok o.


Koone lengganak nogo eeka'lek neenok, “Iniki mbere nen agan nege,” nombakwi paga An nenggali arukwak, Niniki ambit eeppunuk, eeke logokit o.


Inoorit nage logonet kwe, it an napuri Iterali perak, an neenu agak amiya iname paga labunik nenegen kage logominggirik, inooka'lek iname obaga mbo nanuk aakumi Metit mendek mban inoorit nagin o.


It aap iniki warak mamunggolaawok nduk eekwi ti, Aliku ALA inagabiti mbakwi ti aret kwe, Aap iniki lek wi nen perak, iniki warak ogwe, inaruk wakwi, eekwi ti, miyuk-meya eerogo pogo menggaarak o.


Yi mendek ndi mendek eereegwaarak abe inom, maluk inom, kumaarak wonage nogo abok aret, Ala nen wonok inowak loonigin me, wone agan wagarak nogo abok aret liippunuk, irip paga ambit eeko logorak nogo ti, Ala ninagabiti mbakwi, Ndi, “Yogop ee'nu, ndogop ee'nu,” wone yugu nogo porogo logonet, eerit nogwe, Eeko logorak ti aret! Wone yi ti, it aakumi abok nen eeko logorak ti aret o.


Laago lako logonet, nggitat nggwok inom, mbuuluk inom, lobale eeka inom, nggawiwak inom, Oone eeko logonet, anggur amburu mban nonggo menggaarak kwe, At Aliku ALA eeke menggerak nogo inigen kogwe, At Aliku ALA eerit nage nogo iniki liippugwi, Eeka'lek aret wonogo agaarik o.


Yoge mbareegi, Yetut nen aap Natanayen at owagam wage enegen kage nagagerik, at abok ari logonet, “Aap Iterali mondok abe oone mbere ariilik yi kaanip o.”


Ti kenok, nowe-nawot o. At ninogoba Ala ninabuwa mba'nuk, nggwok togon eeppinanege menggerak me, Ala ake warogo pogo mengga kwak, kit nen, “Nineenik logonet, Ala ake mban eerit nugu logowok nduk, nineebe apit aret Ala ake leenogo pogo o,” yinuk, “Ineebe apit aret Ala wogo'nuk logowak lak, an ao,” mbake logonet, yokkirage agarik o. Ti eerumonggotak paga Ala nen, “It yi abet aret nalut ee'nakwi iigi,” yinuk, ale'nggen kinombake logogin o.


Tam warak inagabiti warak mendek mondok iya tit eerit nage kinigen abe nen kogogutak nogo ti, kinogoba Ala aret me, at mban wogoppogo logonip o.


Puut Korep paga at Aliku ALA nen eeko logorak wone abuk nggaruk togon Iterali yoragagerak nogo inom lambumbunuk, eeko logorak wone ambi it aakumi Iterali o Mowap wonogwe me, Muta inom koonogo puwak nduk, at Aliku ALA nen yi wone ndi wone Muta yoge mbareegi, yoragagerak yi aret.


At Muta nen aakumi Iterali abok aret kuwak ari woraawak nduk, wiiragagerak wogo mbareegwa, it yorage logonet, “At Aliku ALA nen o Metit paga aap Pirawun inom, at inom yabu eeko menggaarak inom, aakumi o time menggaarak abok inom, eeppiige nogo kinigen iigwi,


Togop aret yereegerak me, at Aliku ALA kinagabiti mbako logonet, kiniki abe paga at oone liirogon mugurok nogo logomunggup o. Kinombomini niyo Eparat enebaga inom, o Metit inom, time wonogo logonet, Ala mugurok nogwe obaane'me kugi eeko nogogwaarak kit mugurok nogwe nogo mbo punuk, Ala mban mugurok nogo logonip o.


Follow us:

Advertisements


Advertisements