1 Tamuwen 11:15 - Ala Wone Peenok Peebi Mbanak

¹⁵ Yorage mbareegi, it aakumi nogo abok aret o Nggilagan nogo nogogwaarik, at Tawun nogo inowe endagembogut logowak nduk, at Aliku ALA enggaanom nggwok paga mippunuk, Ala inom lambunik logowak nduk, Aliku ALA ake warogo wogogo logonet, at Tawun aakumi Iterali mendek abok aret inom inale'nggen nggwok eereegwaarak.

1 Tamuwen 11:15 Cross References

2 Tamuwen 19:15

Nappiyareegwaarak yori nogo mbareegwa, at Ndawut nogo awuri inom niyo Yoraran aa'nggi paga ari wogogwaarak wonogwe iigak, it aap Yekura mendek nogo nen, “Niyo Yoraran wunda nogo logomonggoorik, ninom lambumbunuk, wogoren woraawok o,” yinuk, o Nggilagan taa'nogo inarum a nogogwaarak.

Wundeegwaarak 24:5

Pege nagagerik, Muta nen aap tawe Iterali mendek yorage logonet, “At Aliku ALA ake warogo kani kunggwi, at ninom lambuniyak ake lembu ngguunok warogo wogogwi, eeruwok nduk, wa nanip o,” yoragagerak nogo, eeko mbareegwa,

Yakobut 4:16

Ko'lu eeriyak kineenggo'lek kagak, kineenu negen eekko'nok wogoppakwi ti, maluk aret eekwi kiigi o.

1 Tamuwen 10:17

Ti'nuk, at Tamuwen nen aakumi Iterali mendek nogo at Aliku ALA enggaanom paga o Mitapa kuwak ari woraawak nduk wiiragagerak.

1 Tamuwen 10:24

Kogwe iigak, at Tamuwen nen it aakumi nogo yorage logonet, “At Aliku ALA nen aap leenogo mippegerak yi kogop a? At pogom ambi nit ninenggela'me wonogwe abu lek o.” Yorage mbareegi, it nogo nen, “Ninowe endagembogut mondok-mondok logorak nogo yi aret o!” yinuk, keekok piyanggogogwaarak.

1 Tamuwen 10:8

Yoge nagagerik, ambi yoge logonet, “At Ala ake warogo kani kungge, Ala ninom lambunik logowok nduk, at ake warogo wogoge, eerikit nduk, nogo 6 yippunuk, ko'lu o Nggilagan nagin me, kat kaa'nduk time namenggendak to'nake wonage me, keya wage logominggirik, kat eeke logorak time nen yokkirigin o,” yinuk, yoreegerak.

1 Tamuwen 12:1

Ti'nuk, at Tamuwen nen it aakumi Iterali mendek abok aret yorage logonet, “Kit nen, Ninowe endagembogut ninarum logowak nduk, mippatuwok o, yinuk, nggino yo'nogotak nogo, naruk konengge nagarik, ndak-ndak aret kinake mippinagagirak me,

1 Tamuwen 12:17

O yogondak gandum anggen mbanggwi eyom nogo lek a? Mbanggwi eyom o kibi aret kwe, kit nen Aliku ALA mbo punuk, Aap ninowe endagembogut ambi mippinanu o, yogotak nogo ti, Aliku ALA enggaanom paga maluk nggwok eekotak kineenu arumunggup nduk, o ngguurubu eeke, mayu wuppi wage, eeruwak nduk, an nen at Aliku ALA yori o,” yinuk, yoragagerak.

1 Tamuwen 8:19

Yoragagerak kwe, it aakumi nogo nen, at Tamuwen oone ari koneniyak ineebi mbako logonet, “Ti yagandak kwe, lek o. Aap endagembogut ninarum logowak nduk, mippinaniyak aret o.