1 Tamuwen 11:14 - Ala Wone Peenok Peebi Mbanak

¹⁴ Yorage mbareegi, at Tamuwen nen it aakumi nogo yorage logonet, “At Tawun ninowe endagembogut logowak nduk, o Nggilagan nogome ambinom nggwok paga mippuwok nduk, nawok o.”

1 Tamuwen 11:14 Cross References

2 Tamuwen 19:15

Nappiyareegwaarak yori nogo mbareegwa, at Ndawut nogo awuri inom niyo Yoraran aa'nggi paga ari wogogwaarak wonogwe iigak, it aap Yekura mendek nogo nen, “Niyo Yoraran wunda nogo logomonggoorik, ninom lambumbunuk, wogoren woraawok o,” yinuk, o Nggilagan taa'nogo inarum a nogogwaarak.

Amot 5:5

It Nggilagan wonogwe nogo abet aret kugun wogoren mbo piya nogwe, O Mbeten nogo pup eerogo pugwi, Eerugun me, O Mbeten nawi o, yinuk, nogwe, O Nggilagan nogwe, Niyo mbaninuk o Mberetiyeba wunda nogwe, Eerugwaarik,” yegerak o.

1 Tamuwen 10:8

Yoge nagagerik, ambi yoge logonet, “At Ala ake warogo kani kungge, Ala ninom lambunik logowok nduk, at ake warogo wogoge, eerikit nduk, nogo 6 yippunuk, ko'lu o Nggilagan nagin me, kat kaa'nduk time namenggendak to'nake wonage me, keya wage logominggirik, kat eeke logorak time nen yokkirigin o,” yinuk, yoreegerak.

1 Tamuwen 12:1

Ti'nuk, at Tamuwen nen it aakumi Iterali mendek abok aret yorage logonet, “Kit nen, Ninowe endagembogut ninarum logowak nduk, mippatuwok o, yinuk, nggino yo'nogotak nogo, naruk konengge nagarik, ndak-ndak aret kinake mippinagagirak me,

1 Tamuwen 5:3

Kwippogo nogogwaarik, nogo yinuk, ko'lu kuubondendok, aakumi Atorot mendek nogo nen inagugi awi wurik nogome pekka unggwogo nogogwaarik, inagugi Ndagon nogo at Aliku ALA aloobut mbanak enaame enete wanduk nggween paga ngginnagagerak wonage kogogwaarak. Kogo nogogwaarik, obaane'me mippereegwaarak kwe,

1 Tamuwen 7:16

At nogo tahun ambi eekak paga o Mbeten nen o Nggilagan nage, o Nggilagan nen o Mitapa nage, eeke logonet, aakumi Iterali inenggela'me wone ambi agaatak kenok, inowak loongge nagaatik,