1 Tamuwen 11:11 - Ala Wone Peenok Peebi Mbanak

¹¹ Yo'nuk wonogwe iigak, ko'lu kuuben at Tawun nogo awuri kenagan eerogo piige nagagerik, o kilim nagake kagak, aakumi Amon mendek inawooliya wuppunuk wonogwe me, inoba kwi'nogo logonet, inoorit nugwi iigak, o wulik liingge aret agagerak. Ndi, inoorit nogwe iigak, mbaganeegwaarak nogo ti, mbere lunik lek inalitak aret mbaganit nogogwaarak.

1 Tamuwen 11:11 Cross References

Wakkagagerak 22:14

Kani kungge nagagerik, at Abarakam nen o nogo endage, “Ninogoba Ala Nen Punogo Pereegim o,” yinuk, tooneegerak me, puut nogo endage, “Iniki Mbakwi Punogo Piige Menggim Ala Abuut o,” yinuk, yogwe wonogwe aret o.

2 Tamuwen 18:2

at Ndawut nen it ineegin warak nogo wim eeri nawak nduk, aap ambi eerak at Yowap nen wogoren nawak nduk koonogo piige, ambi eerak Yowap awuluk kwe Teruya aagaluk Abitayi nen wogoren nawak nduk koonogo piige, ambi eerak aap o Nggat mendek Itayi nen wogoren nawak nduk koonogo piige, eeppiige nagagerik, yorage logonet, “Kit ninom aret wim eeri nawok o.”

Ndawi 46:1

Nineebe op logowok nduk Abu'me pinaninuk wonage, omaawi eeppinanege, Aaninggin ninoba age kenok yeenggwa nirage, Eeke menggerak ti, Ala aret o.

Wundeegwaarak 14:24

kuubondendok towe oone awo ari kagak, at Aliku ALA ndi wuninik ndugwi enggela'me wonage nogo nen ena wu'nage logonet, aap ineegin warak Metit mendek Iterali muguren wogwe enegen iige nagagerik, inaganak waganogo piige,

Matiyut 7:2

3 Kit maluk eekotak o, yinuk, kinoone omaawi paga perak togon yorogwe kiinok, Ala nen kit togop aret yokkirage kaamunggup o. Wakkagak nogo paga wakkaanuk aakumi wogorogo monggotak nogo ndak-ndak wakkaanuk wokkirage kaamunggup o.

Yakobut 2:13

Kit kinoreewi inabuwa nen obeelom eeppiiga'lek kiinok, Ala nen kinowak loongge logonet, kinabuwa nen obeelom eeppinagagin lek o. Ndi, kinoreewi inabuwa nen obeelom eeppiigwi kiinok perak, kinowak looniyak nogo kinagabiti lek aret logomunggup o.

Owak Loongga 1:7

Mbanogo pogo mbareegwa, at Aroni-Mbetek nen ari logonet, “An nen aap inendagembogut lombok ineebe 70 nogo ineenggi iyagalo imbirak inom, iniyok iyagalo imbirak inom, mbanogo piyareegirak wonogo logonet, nambi nengge neegak, nageyo ndoonak abu'me ameneno wanggetak anebenogo nonggo nogogwaarak nogo ndak-ndak, Ala nen inamee'nggo ee'naki o,” yinuk, ari mbareegi, at eebe o Yerutalem wonok nogogwaarak me, time aret kambeegerak.

Owak Loongga 4:16

Kole nage kagak, at Mbarak awuri inom nen Titera awuri ineegin warak inom, inanggweendo wim eeka nogo mendek inom, apit aret muguren-magaren eerit, o Karotet-Kagoyim kuli piya nogo nogogwaarik, Titera awuri nogo aap ambit-ambi ineenik teppiyoolik abok tigitogon aret wooluwak paga inoorogo piinet nogogwaarak.

Owak Loongga 7:16

Yorage nagagerik, at Nggireyon nen awuri ineebe tiga ratus nogo, aap kenagan eerogo piige nagagerik, oone pu eeka trompet inom, ndi wuninik niyoowa'na yonggolak inom, awuri apit aret inalitak wogoragagerak.

Owak Loongga 7:20

aap kenagan aago leenak nogo nen ambugwi aret oone nggwok eeka trompet nogo oone pu eekwi, niyoowak nogo telanogo pugwi, ndi wuninik nogo ineenggi kwaare'me waganggwi, oone pu eeka yuwak nduk, trompet nogo ineenggi abe'nggan waganggwi, eeppunuk, “Aliku ALA inom, Nggireyon inom, inawim o!” yinuk, keekok piyanggogogwaarak.

Owak Loongga 9:43

awuri nogo 3 kuli eerogo piinok, yabume nogome kumaa'nari wogogwaarak wonogo logonet, it aakumi nogo o kota nen wundi wogwe kwaariigo nogogwaarik, mi'na'nuk, aakumi Tikem mendek nogo apit aret inoorogo piigo logonet,

1 Tamuwen 11:2

Yoreegwaarak kwe, aap Amon mendek Nakat nogo nen wone onggo it yorage logonet, “Kit nen, Nit Iterali mendek abok aret ninenggali aruwok nduk, ninalitik-ninalitak ninigen abe'nggan pa'nggwe kilirogo pinaniyak op aret o, mbakwi kiinok, ninom wone mbaniyak op aret kwe, togop mbakwi lek kiinok perak, an ninom wone mbaniyak lek aret o.”

1 Tamuwen 14:47

At Tawun nogo it Iterali inowe endagembogut a'nuk logonet, Iterali inawim yi o ndi o abok aret tebenogo piyareegerak nogo ti, aap Mowap mendek inom, Amon mendek inom, Erom mendek inom, o Toba mendek inoweewi inendagembogut inom, aap Pilitin mendek inom, abok aret inoorit nage nagagerak. Yi o ndi o inoorit nage logonet, awim tebenogo piinok, at eegin mondok tiyanak aret wonagagerak.