1 Tamuwen 10:3 - Ala Wone Peenok Peebi Mbanak

³ Yokkugwi iinok, kat time nen nok-nok, eyo teno alome o Tabot nogome nage logomenggendik, time aap ineebe kenagan nen, ambi kambin aagalogwe kenagan wagangge, ambi nen oroti kenagan wagangge, ndi, ambi nen ndomba agabolo paga anggur amburu toolak wagangge, ee'nuk, o Mbeten Ala alut eeriyak nduk nogwe me, kinom lambungge keenok,

1 Tamuwen 10:3 Cross References

Wakkagagerak 28:19

“O yi endage, Mbeten o,” yinuk, tooneegerak. Ndi, o nogo aa'nduk nen, “Lut,” aret yogo nogogwaarak.

Wakkagagerak 28:22

Ndi, kobak age kero, yugum yi mippigirak nogo ti, Kat kawi aret, mba'nuk, Yi mendek ndi mendek abok aret wo'nege nogo, neenggi lingginogo punuk, 10 age kenok, ambi yendenogo kake pege logogin o,” yinuk, Ala endage kunogo kumbuk mbaneegerak.

Wakkagagerak 35:1

Ne ambi paga Ala nen Yakup yoge logonet, “Kat koweeluk Etawu ambo'me laganogo punuk kole nage me, tu paga oolo nimbirak lambunggo nogogum nogome nage logomenggendik time logonet, kogoba Ala an nake warogo kani kunggak yuurak yugum logonogo pege logonok nduk, o Mbeten time nak o.”

Ndawi 89:12

O omarip paga pa'nggwe inom, o ame pa'nggwe inom, ti, Kat nen aret wakkagagindak me, Kendage kunggwi iinok, puut Tabot inom, Keromon inom, Inale'nggen nen ndawi wako menggaarak o.

Yeremiya 32:8

Yo'nege mbareegi, at Aliku ALA nen yo'nereegerak nogo ndak-ndak, at noreeluk Kanamen nen an aap endagembogut awi nggwok abe wurik arum waka inawoore'nggam wonage me, neya wage nagagerik, “An nanggween mbanak it aap Mbeniyamin wonogo menggam o Anatot wonage nogo, kuniyak mbakirak me, kat noreeluk nen aret onggo kunggolage logomenggendik, unde eeppatinuk logorak op me, yu o,” yo'nereegerak. “At Aliku ALA nen an yo'negerak nogo yi aret kagi,” mba'nuk,

Ala Unde 1:10

Ndi, it ambi nen inaanggumi kambin a, ndomba a, an nake warogo kani kuniyak mbakwi kenok ti, ngguunok awinde-obaande eerak lek amuni mbanak kenok mban wonok,

Ala Unde 23:13

gandum anggen abu abe yigirik amburu inom nenggelak-kenggelak aago aaninggin mbere wakkagak wonok obari abe lombok kage logonet, nale'nggen kaakit nduk, Naliku ALA nake kani kunggwi nogo mendek inom, nonggo menggaarak anggur amburu toolak 1 liter negen nenggaanom paga kilirogo paniyak nogo mendek inom, lambunogo pi wogo logowak o.

Ala Unde 3:12

Ndi, kambin nake warogo puurak mbakwi kenok, Naliku ALA nenggaanom paga eeriyak me, wonok

Ala Unde 3:6

Ndi, Ala ninom lambunuwok o, yinuk, kambin-ndomba ambi Naliku ALA nake warogo wo'niriyak mbakwi kenok, ngguunok a, kooli a, puurak op mban aret kwe, awinde-obaande eerak lek amuni mbanak kenok mban nake puwak o.

Ala Unde 7:13

Ala wa, yo'nogo logonet, an ninom lambunik logowak nduk, nake warogo wo'nogo logonet, oroti ragi inom punuk, worarak nogo mendek inom an nake pi wogo logowak o.

Yotuwa 19:12

ti'nuk, o Tarit panggombunuk, yomonogo oonegen komeninuk lagi wage menggim pa'nggwe nen nok, o Kitolot-Tabot kagak, o Ndobarat ari nage, time nen o Yapiya lagi nanuk, time nen nok,

Yotuwa 19:22

Inanggween kuli pugu ti, kota Tabot nen, kota Takatima nen, kota Mbet-Temet nen, nugwa, niyo Yoraran warak me, kota 16 inom, kota-kota ti, enaagan-ambokan yaga'lelo mbuulogwe inom, wogoragagerak.

Owak Loongga 20:18

Abu aret pipuk eeko nogogwaarik, aap Iterali nogo o Mbeten nogo nogogwaarik, Ala yogo logonet, “Aap inanebunu ngge mendek nen inaa'nduk a'nuk, aap Mbeniyamin mendek ninom wim namburi noorak?” Yogo mbareegwa, at Aliku ALA nogo nen, “Anebunu Yekura mendek nen inaa'nduk a'nuk, nawak o,” yoragagerak.

Owak Loongga 20:27

Ne ti eyom paga Ala aloobut mbanak me oone yugu yonggolak nogo time aret wonage me, aap Karun ombooluk aap Eleyatat apuluk Pinekat Aliku ALA unde logonet, nogome ake eeke kagak, aakumi Iterali nogo nen at Aliku ALA yogo logonet, “Nit ne ambinom ninoreewi Mbeniyamin mendek ti, ninom wim eerit nawi ilik, puk aruwi a?” Yogo mbareegwa, Aliku ALA nen, “O ko'lu aret an nen aakumi ti waganogo kit kineenggime pinagagin me, noorak op aret o,” yoragagerak.

Owak Loongga 4:12

Wuppunuk wonage kagak, “Aap Abinowam aput Mbarak nogo muk puut Tabot paga laganggerak wonage o,” yogwe at Titera nogo aruk konengge nagagerik,

Owak Loongga 4:6

Ne ambi paga at Ndebora nen aap Abinowam aput Mbarak nogo o Kereti aap Natali mendek iname wonage me, woraawak nduk, yonggo nappiyareegerak yori nogogwaarak wage mbareegi, yoge logonet, “At Aliku Iterali inogoba Ala nogo nen, Aap Natali mendek inom, Tebulon mendek inom, ineebe sepuluh ribu aret wogoren, o puut Tabot paga lagi namenggendak keegak,

Owak Loongga 8:18

Eeke nagagerik, aap Teba Talumuna imbirak yorage logonet, “Kit o Tabot nogome logonet, aap inookotak nogo ineebe nonggop me inookotak?” Yorage mbareegi, it nen yogo logonet, “It ineebe ti, kat pogom aret o. Ndi, inobaabut ti, aap endagembogut apuri pogom aret o,” yinuk, yoreegwaarak.

1 Tamuwen 10:4

it nen keyage wappaganuk, oroti mbere wokkugwi iinok, ti aret kolaamunggun o.